U Hiermanii 75-hadovy mužčyna zachras u lifcie va ŭłasnym domie i pravioŭ tam čatyry dni bieź ježy i vady
Incydent adbyŭsia jašče ŭ lipieni ŭ Osnabruku (Nižniaja Saksonija), ale palicyja paviedamiła pra jaho tolki ciapier.
Ilustracyjnaje fota: Ian Forsyth / Getty Images
Z-za niaspraŭnaści elektrasistemy pierastaŭ pracavać nie tolki sam lift, ale i avaryjnaja knopka vykliku. U mužčyny nie było telefona, tamu jon nie moh źviazacca ź blizkimi. U rospačy jon sprabavaŭ vyrvać paneli kabiny, adnak vybracca samastojna nie zmoh, piša Bild.
Vyratavać jaho ŭdałosia tolki paśla taho, jak syn, zaniepakojeny tym, što baćka doŭhi čas nie vychodzić na suviaź, vyklikaŭ palicyju. Palicyjanty, što prybyli na miesca zdareńnia, pačuli z šachty słaby hołas. Paciarpieły byŭ mocna abiazvodnieny — jaho dastavili ŭ balnicu.
U kancy žniŭnia, užo akryjaŭšy, mužčyna zaprasiŭ svaich vyratavalnikaŭ na kavu i raskazaŭ im, što «nikoli nie siabravaŭ z palicyjaj, ale ŭ toj momant byŭ vielmi rady pačuć hołas palicejskaha».
Kamientary