«Dušeŭna!». «Biełorusskij siłovik» až precca ad kožnaha prylotu pa ŭkrainskich haradach
Słovy Łukašenki pra toje, što jamu adnolkava blizkija rasijanie i ŭkraincy, abviarhajucca kirunkam kanałaŭ biełaruskich siłavych viedamstvaŭ. Asabliva «Biełorusskoho siłovika», za jakim staić Artur Hajko, aficer HUBAZiKa.
Padčas naviedańnia Vałaama, razmaŭlajučy sa ŚMI, Alaksandr Łukašenka zapeŭnivaŭ, što «adnolkava stavicca da ŭsich — i rasijan, i ŭkraincaŭ». «Ludzi — i ŭkraincy, i rasijanie — jany ž voiny», — davodziŭ Łukašenka.
Kab pierakanacca, nakolki heta falš, dastatkova adkryć kanały biełaruskich siłavikoŭ. Naprykład, telehram-kanał, jaki tak i nazyvajecca — «Biełorusskij siłovik», — i za jakim, jak my vyśvietlili raniej, staić Artur Hajko, aficer HUBAZiKa.
Siońnia kanał natchniona radavaŭsia rekordnamu abstrełu Ukrainy i jaje stalicy.
«Nu što ž, čarhovy rekord pa kolkaści vykarystanych za noč udarnych BPŁA pa Ukrainie — 818», — z radaściu paviedamlaje kanał.
«Heta dušeŭna», — kamientuje kanał udar pa Krukaŭskim moście ŭ Kremienčuhu.
Raźmiaściŭšy fota pažaru ŭ budynku ŭrada Ukrainy, aŭtary kpiać, što heta karcinka, vartaja paštovaj marki.
Dla kanała biełaruskich siłavikoŭ «rasijskija vojski vyzvalili nasieleny punkt Charošaje Dnieprapiatroŭskaj vobłaści», zabyvajučysia, što pavodle mižnarodnaha prava takija dziejańni kvalifikujucca jak «ahresija» i «akupacyja».
Asobna treba adznačyć, što «Biełorusskij siłovik» amal štodzionna rekłamuje słužbu ŭ rasijskaj armii. Tak, 5 vieraśnia jon pierapościŭ infarmacyju rasijskaha vučebnaha centra pa padrychtoŭcy apierataraŭ dronaŭ:
«Navučańnie z nastupnym zaklučeńniem kantrakta dla hramadzian Rasii z US RF», — adznačajecca ŭ rekłamie. Dadajecca taksama, što centr «adkryty da supracoŭnictva dla supracoŭnikaŭ uzbrojenych sił, siłavych i śpiecyjalnych padraździaleńniaŭ Respubliki Biełaruś».
Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki
«Siońniašni ŭdar pa Kijevie — heta novy pavarot u rasijskich atakach pa Ukrainie»
Kanał biełaruskich siłavikoŭ rekłamuje fejkavy telehram-kanał Pucina. Nazyvajuć «našym prezidentam»
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary
[Zredahavana]
Nieužieli vy,iechidnino otrod́je,choť na siekundu dopuskajetie ,čto takoje budiet bieskoniečno? Čto vašieho putina i jeho łukašienko podłatajut i na vaš viek chvatit? Vy v siłu osobiennostiej svojeho raźvitija,očievidno,nie znajetie sriednieviekovyj postułat o kolesie fortuny—zahuhlitie i posmotritie,kak ono vyhladit.
I dieržitie odin patron vsiehda pri siebie. Potomu čto v plen vam łučšie nie popadať—očień bolšoj lubov́ju polzujetieś sriedi nasielenija.
Očień.
[Zredahavana]