Čamu ŭ Biełarusi chutka rastuć zołatavalutnyja reziervy i što heta značyć dla prostych ludziej?
Zołatavalutnyja reziervy Biełarusi znachodziacca na histaryčnym maksimumie i praciahvajuć raści. Tłumačym, čamu tak i jak heta ŭpłyvaje na žyćcio.
Čamu zołatavalutnyja reziervy rastuć
Pa stanie na 1 vieraśnia ZVR dasiahnuli $12,4 miljarda — z pačatku hoda jany pavialičylisia na $3,49 miljarda. Ekśpiert BEROC Anatol Charytončyk nazyvaje try asnoŭnyja pryčyny takoha chutkaha rostu.
«Pa-pieršaje, za hety pieryjad značna vyraśli ceny na zołata, što ŭ pieraliku na dalary dadało kala $1,4 miljarda. Atrymlivajecca, što kala 40% nie źviazana z unutranaj ekanamičnaj palitykaj», — tłumačyć ekanamist.
Druhim faktaram Charytončyk nazyvaje kuplu valuty Nacbankam na ŭnutranym rynku.
«Udzielniki valutnaha rynku za siem miesiacaŭ hoda pradali valuty prykładna na $800 miljonaŭ bolš, čym kupili.
Nacbank vykuplaŭ zališniuju valutu, tym samym bałansavaŭ rynak. Kali b jon hetaha nie rabiŭ, biełaruski rubiel umacavaŭsia b jašče macniej. Ale i inflacyja mahła być krychu nižejšaj», — ličyć ekśpiert.
Trecim faktaram ekanamist nazyvaje pieravod častki aktyvaŭ z adnoj katehoryi ŭ inšuju.
Tracina sioletniaha rostu zołatavalutnych reziervaŭ, pra jakija kaža Nacbank, zabiaśpiečanaja tym, što tudy byli pieraviedzieny reziervovyja srodki, jakija ŭ krainy byli, ale nie ŭličvalisia ŭ ZVR. Atrymlivajecca, što sumarny abjom valutnych aktyvaŭ Nacbanka vyras nie na $3,49 miljarda, a prykładna na $2,5 miljarda, tłumačyć Charytončyk.
Što aznačaje taki rost dla nasielnictva?
Sam pa sabie fakt pavieličeńnia abjomaŭ ZVR naŭprost nie ŭpłyvaje na ŭzrovień žyćcia i dabrabyt nasielnictva, ale heta nie aznačaje, što ŭ hetym niama ničoha pazityŭnaha dla biełarusaŭ.
«Dastatkovaść reziervaŭ znachodzicca na histaryčnym maksimumie. Kali ŭziać kompleksny indykatar ryzyka-faktaraŭ adtoku valuty i supastavić jaho z reziervami, atrymajem, što jany pakryvajuć 100% hetaj ryzyki. Takoha ŭ historyi Biełarusi jašče nikoli nie było», — adznačaje ekśpiert.
Kažučy prostymi słovami, heta abaraniaje nacyjanalnuju valutu ad devalvacyi: u Nacbanka jość dastatkovy zapas tryvałaści na vypadak źniešnich šokaŭ.
«Tamu niama nijakich pieradumoŭ dla devalvacyi rubla. Heta nie vyklučaje paŭzučaha pasłableńnia da košyka valut, ale havorka budzie iści pra vahańni ŭ miežach niekalkich pracentaŭ ciaham hoda, a nie pra devalvacyju», — miarkuje ekśpiert.
Ciapier čytajuć
Za padpisku na kanały treš-błohiera Mełstroja ciapier buduć karać1
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
Ekśpiert takoj ekśpiert. Kohda poletit ruskij rubl śledom poletit i biełaruskij. I nikakije ZVR nie pomohut. A s takim konskim dieficitom biudžieta rf bolšaja vierojatnosť, čto užie v 26m hodu rubl dievalvirujetsia raza v połtora