Siezon zimovaha palavańnia na vysakarodnych aleniaŭ i dzikoŭ adkryvajecca ŭ Biełarusi 15 śniežnia. Jon pradoŭžycca pa 31 studzienia, paviedamiŭ viadučy śpiecyjalist upraŭleńnia palaŭničaj haspadarki Ministerstva lasnoj haspadarki Hienadź Lecka.
U adpaviednaści z praviłami viadzieńnia palaŭničaj haspadarki i palavańnia, dazvolena zdabyvać darosłych samcoŭ vysakarodnaha alenia trafiejnaj jakaści i sielekcyjnych žyvioł luboha połu i ŭzrostu. Pavodle słoŭ viadučaha śpiecyjalista, dazvoleny ružejny vid palavańnia z zasady z padychodu.
Možna taksama palavać na dzika luboha połu i ŭzrostu, akramia śvinamatak. Palavać na hetych žyvioł dazvolena ružejnym sposabam z zasady, padychodu kruhłasutačna.
Hienadź Lecka adznačyŭ, što asieńnie-zimovy siezon palavańnia na andatru pradoŭžycca da apošniaj niadzieli studzienia, palavańnia na babra i vydru - pa 31 śniežnia ŭ śvietły čas sutak. Pradaŭžajecca taksama palavańnie na zajca-bielaka, zajca-rusaka, kunicu lasnuju i kamiennuju, tchara lasnoha, norku amierykanskuju, harnastaja, vaviorku zvyčajnuju. Adstreł viadziecca z hładkastvolnaha ružža, z vykarystańniem palaŭničych sabak u śvietły čas sutak. Palavańnie na hetych pušnych žyvioł zavieršycca ŭ apošniuju niadzielu studzienia.
Ciapier čytajuć
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary