Na ANT vyjšła pieradača «Naša žyćcio», jakaja na hety raz była pryśviečanaja temie prezidenckich vybaraŭ. Siarod haściej była staršynia TBM Alena Anisim, jakaja ŭžo abviaściła pra svoj namier brać udzieł u prezidenckich vybarach.
«U nas demakratyčnaja kraina, i brać udzieł moža kožny», — skazała Anisim. «Mnie škada žančyn, jakija iduć u palityku», — adkazaŭ na heta staršynia «Biełaj Rusi» Hienadź Davydźka.
Cikava, što viadučy Dźmitryj Bačkoŭ zhadaŭ pra vyłučeńnie Mikałaja Statkieviča, praŭda, nie zhadaŭ jahonaha imia.
«Raniej za Anisim pra svoj namier bałatavacca zajavili pornaaktorka [Naścia Rybka — «NN»], jakaja chutka ŭziała samaadvod, a taksama były źniavoleny, były kandydat ź niepahašanaj sudzimaściu. U dačynieńni druhoha ŭźnikaje pytańnie: ci viedajuć tyja, chto vyłučaje, što da stadyi rehistracyi jon, moža, i dojdzie, a jaje dakładna nie projdzie pa zakonie.
Tut try šlachi: chajp, hrošy ŭ vyhladzie hrantaŭ i ad pačatku kinuć cień na ŭsiu kampaniju», — adznačyŭ Bačkoŭ.
U hety čas na ekranach demanstravalisia fatazdymki Rybki i Statkieviča.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary