Va Ukrainie vypuskajuć banknotu 2000 hryŭniaŭ. Voś chto na joj budzie
Nacyjanalny bank Ukrainy abviaściŭ, što z 4 vieraśnia ŭvodzić u najaŭnaje hrašovaje abaračeńnie novuju banknotu naminałam 2000 hryŭniaŭ, paviedamlaje Forbes Ukraine.
Na piarednim baku novaj banknoty budzie źmieščany partret ukrainskaha paeta i pravaabaroncy Vasila Stusa, adnaho z najbolš viadomych pradstaŭnikoŭ pakaleńnia šaścidziasiatnikaŭ. Na advarotnym baku namalavany budynak fiłałahičnaha fakulteta Danieckaha nacyjanalnaha ŭniviersiteta, jaki nosić imia Stusa.
Adnoj z hałoŭnych asablivaściaŭ dyzajnu stanie stylizavany dziaržaŭny tryzub, vykanany ŭ stylistycy sučasnaj ukrainskaj vajskovaj simvoliki. Pavodle Nacyjanalnaha banka, hety elemient spałučajecca z devizam «Słava Ukrainie — Hierojam słava», utvarajučy adziny mastacki vobraz. Jaho asnovaj staŭ šaŭron, jaki nosiać ukrainskija vajskoŭcy na formie. Aŭtary kancepcyi adznačajuć, što simvał uvasablaje stojkaść, volu i niazłomnaść ukrainskaha naroda.
Jašče adnym važnym elemientam afarmleńnia staŭ vobraz sokała-pustelhi, natchniony mazaikaj «Pustelha», stvoranaj mastačkaj Ałaj Horskaj u 1967 hodzie dla restarana «Ukraina» ŭ Maryupali. U Nacbanku tłumačać, što hetaja ptuška simvalizuje zdolnaść supraćstajać ciažkaściam i zachoŭvać ustojlivaść navat pry mocnym sustrečnym vietry. Taksama jon pryśviečany pakaleńniu šaścidziasiatnikaŭ, jakija baranili nacyjanalnuju identyčnaść i čałaviečuju hodnaść va ŭmovach palityčnych represij.
Data ŭviadzieńnia novaj banknoty taksama maje simvaličnaje značeńnie. 4 vieraśnia 1965 hoda Vasil Stus razam ź Viačasłavam Čarnavołam i Ivanam Dziubam pravioŭ u Kijevie pieršuju adkrytuju akcyju pratestu suprać palityčnych represij u SSSR. U hety ž dzień u 1985 hodzie Stus pamior u savieckim łahiery.
Heta budzie pieršaja novaja kupiura paśla ŭviadzieńnia ŭ 2019 hodzie banknoty naminałam 1000 hryŭniaŭ z partretam navukoŭca Uładzimira Viarnadskaha. U Nacyjanalnym banku adznačajuć, što nieabchodnaść vypusku kupiury naminałam 2000 hryŭniaŭ źviazanaja ź inflacyjaj, źnižeńniem pakupnickaj zdolnaści nacyjanalnaj valuty i rostam siaredniaj zarabotnaj płaty.
Tramp pakazaŭ makiet novaj 100‑dalaravaj banknoty sa svaim podpisam
Biełarusy admovilisia ad zajčykaŭ, a brytanski funt źbirajecca pierajści na ich vyjavy
U Vialikabrytanii abjavili hałasavańnie za žyvioł na budučych banknotach dla funtaŭ
Jak vyhladaje novaja banknota 200 rubloŭ
Skłali rejtynh samych pryhožych banknot śvietu 2025 hoda
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary