Amierykanskija sienatary ŭzhadnili zakonaprajekt ab «piakielnych sankcyjach» suprać Rasii ź Biełym domam
Amierykanski sienatar Lindsi Hrem na bryfinhu ŭ Kijevie zajaviŭ, što zakonaprajekt ab novych žorstkich sankcyjach suprać Rasii ŭzhodnieny z administracyjaj prezidenta Donalda Trampa i maje padtrymku Biełaha doma. Pavodle jaho słoŭ, heta značna pavialičvaje šancy na toje, što Kanhres uchvalić dakumient, piša «RBK-Ukraina».
Zakonaprajekt, jaki Hrem raspracoŭvaŭ razam ź sienataram Ryčardam Blumientalem amal dva hady, pavinien dać prezidentu ZŠA dadatkovyja instrumienty dla ŭzmacnieńnia cisku na Rasiju z metaj spynieńnia vajny suprać Ukrainy.
Dakumient praduhledžvaje mahčymaść uviadzieńnia vysokich mytaŭ i inšych abmiežavańniaŭ suprać:
- krain, jakija praciahvajuć kuplać rasijskuju naftu i haz;
- kampanij i dziaržaŭ, što dapamahajuć Rasii abychodzić užo dziejnyja sankcyi.
Pavodle Hrema, jon płanuje abmierkavać zakonaprajekt z kiraŭnictvam Respublikanskaj i Demakratyčnaj partyj, kab jak maha chutčej vynieści jaho na hałasavańnie ŭ Kanhresie.
Sienatar taksama zajaviŭ, što ZŠA mohuć uzmacnić padtrymku Ukrainy ŭ abaronie ad rasijskich balistyčnych rakiet. Na jaho dumku, spałučeńnie vajskovaj dapamohi i ekanamičnaha cisku na krainy, jakija supracoŭničajuć z Maskvoj, moža prymusić rasijskaha prezidenta Uładzimira Pucina sieści za stoł pieramoŭ.
Hrem adznačyŭ, što viedaje, jakija dziaržavy praciahvajuć zakuplać rasijskija enierharesursy i dapamahajuć abychodzić sankcyi. Paśla viartańnia ŭ ZŠA jon maje namier abmierkavać heta z prezidentam Trampam i pradstaŭnikami hetych krain.
Zakonaprajekt Sanctioning Russia Act of 2025, zarehistravany ŭ Kanhresie jašče ŭ krasaviku 2025 hoda, praduhledžvaje sankcyi suprać rasijskich bankaŭ i aliharchaŭ, zabaronu amierykanskich inviestycyj u enierhietyčny siektar Rasii, a taksama mahčymaść uviadzieńnia mytaŭ sumaj da 500% dla trecich krain, jakija praciahvajuć kuplać rasijskuju naftu i haz.
Raniej razhlad dakumienta adkładaŭsia, niahledziačy na padtrymku bolšaści sienataraŭ, pakolki čakałasia jaho ŭzhadnieńnie z administracyjaj Donalda Trampa. Ciapier, pavodle słoŭ Lindsi Hrema, takoje ŭzhadnieńnie ŭžo dasiahnutaje.
«Rasija ciśnie na ZŠA». Zialenski raskryŭ novyja terminy, pastaŭlenyja rasijanami dla zachopu Danbasa
«Cisk na Pucina nie pracuje». Sienatar Hrem zaklikaŭ Trampa ŭzbroić Ukrainu «Tamahaŭkami»
Amierykanskija sienatary rapracavali prajekt zakona ad pryznańni Rasii i Biełarusi dziaržavami — sponsarami teraryzmu
Sienatary-respublikancy ŭzmacnili cisk na Trampa, kab jon uvodziŭ sankcyi suprać Rasii
Kamientary
Pustoj zvon stoit 2 hoda, nužnych dieł i nužnych diejstvii niet ot słova sovsiem...