Na samalocie Ryanair padčas palotu adbyłasia razhiermietyzacyja, adnaho z pasažyraŭ ledź nie zasmaktała ŭ iluminatar
Ranicaj 10 lipienia na borcie samalota avijakampanii Ryanair, jaki vykonvaŭ rejs z hreckich Sałonikaŭ u niamiecki Mieminhien, adbyŭsia surjozny incydent. Nieŭzabavie paśla ŭźlotu, kali samalot znachodziŭsia na vyšyni kala šaści tysiač mietraŭ, raźbiłasia akonnaja panel kala adnaho z pasažyrskich miescaŭ, piša Bild.
Jak paviedamlajecca, u vyniku razhiermietyzacyi sałona 61‑hadovaha pasažyra mocnym patokam pavietra zaciahnuła ŭ paškodžany iluminatar. Jaho žonka schapiła muža za nohi i ŭtrymlivała da taho času, pakul na dapamohu nie pryjšli inšyja pasažyry.
Paśla razhiermietyzacyi ŭ sałonie aŭtamatyčna vypali kisłarodnyja maski. Ekipaž dziejničaŭ pavodle instrukcyj i pryniaŭ rašeńnie nieadkładna viarnucca ŭ aeraport «Makiedonija» ŭ Sałonikach. Samalot paśpiachova pryziamliŭsia, a pasažyry biaśpiečna pakinuli bort.
Paciarpiełamu była akazanaja miedycynskaja dapamoha niepasredna ŭ aeraporcie. Paśla ahladu lekary kanstatavali ŭ jaho traŭmu šyi.
Avijakampanija Ryanair paćvierdziła fakt incydentu i paviedamiła, što paśla viartańnia samalota dla pasažyraŭ byŭ arhanizavany zapasny rejs, na jakim jany praciahnuli padarožža ŭ Mieminhien.
Ciapier čytajuć
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu66
Kamientary