Niedasiekaŭ: «Karony ŭ mianie niama. A ŭ Cimanoŭskaj jana była jašče ŭ vučelni»
U intervju ministru kultury Maratu Markavu bronzavy pryzior Alimpijskich hulniaŭ u Tokia Maksim Niedasiekaŭ uspomniŭ časy vučoby ŭ Respublikanskaj vučelni alimpijskaha reziervu i zajaviŭ, što Kryścina Cimanoŭskaja jašče tady nibyta z pahardaj staviłasia da inšych spartsmienaŭ.
Maksim Niedasiekaŭ — bronzavy pryzior Alimpijskich hulniaŭ u Tokia i ŭładalnik nacyjanalnaha rekordu ŭ skačkach u vyšyniu — 2,37 mietra. Paśla padziej 2020 hoda jon adkryta padtrymaŭ Alaksandra Łukašenku, padpisaŭ praŭładny list spartsmienaŭ i paśla pačatku rasijskaha ŭvarvańnia va Ukrainu vystupaŭ u padtrymku pazicyi aficyjnaha Minska.
U novym intervju prapahandystu Maratu Markavu lohkaatlet rezka vykazaŭsia pra biełaruskuju spryntarku Kryścinu Cimanoŭskuju, jakaja ciapier vystupaje za zbornuju Polščy.
Padčas intervju Markaŭ nahadaŭ Niedasiekavu jaho raniejšyja słovy pra toje, što ŭ dziacinstvie jon chadziŭ razhružać miaški z cemientam, kab zarabić hrošaj. Prapahandyst pacikaviŭsia, ci źmianiłasia jaho staŭleńnie «da hrošaj i stabilnaści» paśla atrymańnia alimpijskaha miedala i statusu.
Na heta Niedasiekaŭ adkazaŭ, što ničoha nie źmianiłasia.
«Ja da hetaj pary mahu pajechać dapamahčy siabram na budoŭli, paciahać niešta, niešta zrabić. Mnie ŭvohule biez roźnicy».
«To-bok karony niama?» — spytaŭ Markaŭ. Hetaje pytańnie padšturchnuła Niedasiekava da niečakanaha paraŭnańnia.
«Nijakaj niama. Ja nie lublu takich ludziej. U nas była ŭ lohkaj atletycy takaja dziaŭčynka z karonaj. Heta Kryścina Cimanoŭskaja. U jaje hetaja karona była jašče tady, kali jana była maleńkaj.
My vučylisia ŭ Respublikanskaj vučelni alimpijskaha reziervu. Kali pryjšli na treniroŭku, jana tady vykanała narmatyŭ majstra sportu. Nie viedaju, kolki joj było hadoŭ. U mianie byŭ pieršy darosły razrad. U inšych taksama byŭ pieršy darosły. I jana skazała takuju frazu: «Usie, chto nižej za kandydata ŭ majstry sportu, nie majuć prava na mianie hladzieć». Joj było, moža, hadoŭ 17».
«To-bok čeladź», — ustaviŭ svaje piać kapiejek Markaŭ.
Niedasiekaŭ praciahnuŭ:
«My zaŭsiody havaryli: navošta vy dapamahajecie hetamu čałavieku, jaki voś tak… Ale kiraŭnictva bačyła ŭsio troški pa-inšamu. Nas časta nichto nie choča pačuć. Chacia my havorym vidavočnyja, samyja prostyja rečy, na jakija treba źviartać uvahu».
«Nu tak, vy majecie racyju», — niaŭpeŭniena adkazaŭ Markaŭ, zadumaŭšysia pra niešta.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
I voobŝie, Markov zanimajetsia na postu kultury ministra toj žie propahandoj, kotoroj on stradał na postu ministra informacii. Čto pomieniałoś kromie dołžnosti?