Biełarusaŭ pa viartańni damoŭ na miažy ŭsio čaściej raździavajuć dahała
Novaŭviadzieńni ŭ nadhladzie zakranajuć jak tych, chto viartajecca na radzimu ź Jeŭropy aŭtobusam, tak i tych, chto prylataje z adpačynkaŭ ci kamandzirovak samalotam.
Tym, u kaho ŭ bijahrafii byŭ palityčny pratakoł, pry prachodžańni miažy, aproč pravierki telefona, zahadvajuć raździavacca.
Jak raspaviali «Našaj Nivie» niekalki čałaviek, upieršyniu na praktyku raspranańnia na miažy, jany natrapili viasnoj.
«Pravierki takija pačalisia jak minimum z krasavika. Chacia raspranajuć nie zaŭsiody — mohuć abmiežavacca prahladam telefona.
Ale kali ŭsio ž raździavajuć, prosiać zastacca ŭ adnych trusach. Adbyvajecca heta pry dvuch paniatych — svaich (naprykład, prybiralščycy) ci randomnych ludziej z aŭtobusa. Paśla na podpis praciahvajuć pratakoł pra toje, što praviali nadhlad. Pry hetym nichto nie tłumačyć, u čym sprava — «takoje rasparadžeńnie źvierchu», — apisvaje niepryjemny dośvied adzin z surazmoŭcaŭ.
Jašče adnamu biełarusu, jaki pieražyŭ taki dośvied pa viartańni ź Jeŭropy damoŭ, patłumačyli, što takija dziejańni mohuć pravodzicca pa rašeńni načalnika mytni ŭ dačynieńni da asoby, «kali da jaje niama davieru».
Žančynu, jakaja prylacieła ź siamjoj z adpačynku ŭ Turcyi, zabrali na indyvidualny nadhlad, bo paśla vybaraŭ 2020‑ha jaje zatrymlivali na maršy.
«Mianie raździeli da trusoŭ i stanika. Pry mnie, akramia mytnicy, znachodzilisia dźvie tak zvanyja paniatyja — dziaŭčyny z pašpartnaha kantrolu. Mytnica pravieryła ŭsie švy ŭ maich rečach. Prahladzieła ŭ tym liku moj abutak i škarpetki, kab pravieryć, ci nie schavana tam čahości», — raskazvała jana znajomym.
Žančynu z 2020‑ha spyniajuć na miažy ŭvieś čas, navat kali jana viartajecca z Rasii. Praŭda, raniej usio abmiažoŭvałasia prahladam telefona.
«Ja spytała, što za novaŭviadzieńnie. Mnie adkazali, što dadatkovy nadhlad rečaŭ robicca vybaračna pa zahadzie načalnika mytni. Pryčym ciapier jany mohuć rabić i nadhlad cieła — maŭlaŭ, takija voś u ich reformy».
Zhodna z artykułam №329 Mytnaha kodeksa JEAES, asabisty nadhlad na miažy moža pravodzicca pry najaŭnaści padstavy ličyć, što hramadzianin chavaje ŭ siabie peŭnyja tavary, jakija parušajuć praviły ich pieramiaščeńnia pa terytoryi krain Jeŭrazijskaha ekanamičnaha sajuza. U vypadku Biełarusi hetym praviłam złoŭžyvajuć, kab trymać narod u niavoli i pakory.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram14
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Biełaruś nie dla biełarusov, Biełaruś, - dla svoich ludiej !
Valet včiera objaśnił, počiemu biełarusov razdievajut do hoła na hranicie s Biełaruśju.
Dla Valeta, biełarusy - ČUŽIJE !
Kali siarod svajakoŭ jość niechta za miažoj = "niebłahanadziejny".
Treba sfotkacca 3 razy uśmichajučysia pobač z važdziom, kab pavysić ranh.