Ustanoŭlena asoba miedyka, jaki katavaŭ ukrainskich pałonnych i damahaŭsia ich u kałonii Uładzimirskaj vobłaści
Miedyka pa mianušcy Kanavał, jaki katavaŭ ukrainskich pałonnych u kałonii va Uładzimirskaj vobłaści, zavuć Viačasłaŭ Čardancaŭ, ustanaviŭ rasśledvalnicki prajekt «Schiemy».
Žurnalisty pahavaryli prykładna z 50 ukraincami, jakija viarnulisia z pałonu i ŭtrymlivalisia ŭ kałonii ŭ Pakinie (PK-7) Uładzimirskaj vobłaści.
Pavodle raspoviedaŭ pałonnych, Čardancaŭ rehularna ździekavaŭsia ź ich, prymušaŭ raspranacca, imitavać dziejańni seksualnaha charaktaru, adpuskaŭ prynižalnyja zaŭvahi pra ich pałavyja orhany.
«Nam zdavałasia, što jon vyčvareniec», — raspavioŭ adzin z apytanych.
Akramia taho, Čardancaŭ nie akazvaŭ pałonnym miedycynskaj dapamohi, što, u pryvatnaści, pryviało da ŭspyški karosty ŭ kałonii.«My praz karostu spać unačy nie možam, prosiš u jaho maź, a jon kaža, što choča, kab my pakutavali».
Čardancavu 48 hadoŭ, naradziŭsia ŭ Kyrhyzstanie. Tam pracavaŭ fieldšaram u vychavaŭčaj kałonii dla niepaŭnaletnich.
Zhodna sa spravazdačaj, ź jakoj aznajomilisia «Schiemy», u hetaj ustanovie kabiniet miedčastki časta byŭ začynieny, adsutničali bazavyja leki, a padletki pakutavali ad infiekcyjnych i dermatałahičnych chvarob u zapuščanaj formie.
U Rasiju Čardancaŭ pierajechaŭ, imavierna, u 2013 hodzie, pasialiŭsia ŭ pasiołku Pieršamajskaje pablizu Pakina. Spačatku pracavaŭ u dziciačym domie, a z 2015 hoda — u PK-7, dzie pracuje ŭžo bolš za 10 hadoŭ.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała11
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2727
Kamientary