Byłaja žonka brytanskaha deputata vyrašyła zarablać hrošy na prodažy svaich intymnych FOTAŬ
Byłaja žonka deputata brytanskaha parłamienta Sajmana Dančuka — Karen Dančuk — biare pa 195 dalaraŭ za svaje intymnyja zdymki, što raspaŭsiudžvajucca na sajcie OnlyFans, jaki vykarystoŭvajecca pornazorkami i rabotnikami kamiercyjnaha seksu, piša Daily Mail.
U prahramie OnlyFans fanaty nibyta płaciać da 20 dalaraŭ u miesiac za dostup da adkrytaha kantentu ad 35-hadovaj Karen, a taksama jana spahaniaje dadatkova 200 dalaraŭ za dziorzkija zdymki.
Ličycca, što Dančuk takim čynam užo zarabiła 13 tysiač dalaraŭ ad zboraŭ i čajavych paśla taho, jak jana dałučyłasia da sajta ŭ aŭtorak.
Žančyna apublikavała 14 zdymkaŭ na sajcie, sabrała kala 2500 padabajek, a taksama praviała 45-chvilinnuju siesiju pytańniaŭ i adkazaŭ sa svaimi padpisantami.
Karen taksama nibyta paprasiła fanataŭ prapanavać, što joj varta nasić, i adzin z padpisantaŭ skazaŭ, što im spadabajecca, kali jana ničoha nie nadzienie, a druhi prapanavaŭ joj nasić vuzki humovy łateks.
U Karen i Sajmana Dančukoŭ 2 syny, ich čatyrochhadovy šlub raspaŭsia ŭ 2016 hodzie.
Paśla taho, jak jaje burnyja adnosiny z byłym deputatam parłamienta skončylisia, Karen znoŭ pačała sustrakacca ź ispancam pa imi Devid, ź jakim, jak paviedamlałasia, jana rasstałasia letaś u śniežni, paśla sieryi haračych sprečak.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary