Hałoŭnaja pryčyna, pa jakoj lehiendarny ŭ minułym futbalist nie viarnuŭsia ŭ Biełaruś, źviazanaja z trenierskimi ambicyjami Maradony. Pra heta raspaviała pres-sakratarka futbolnaha kłuba «Dynama-Brest» Volha Chižynkova ŭ efiry prahramy «Spartyŭnaja sierada» na «Radyjo-Minsk».
— Druhi pryjezd Maradony ŭ Brest nie adbyŭsia, tamu što Dyjeha maryŭ treniravać kamandu, a naš kłub prapanoŭvaŭ pradstaŭničuju misiju. Maradona ź joj unutrana nie pahadziŭsia. Tamu, atrymaŭšy prapanovu ad mieksikanskaha «Daradosa», jon jaje pryniaŭ, — adznačyła Chižynkova.
Nahadajem, u mai 2018 hoda Maradona zaniaŭ pasadu staršyni praŭleńnia bresckaha «Dynama», a ŭ lipieni prylacieŭ u Brest. Adnak užo ŭ vieraśni arhienciniec staŭ hałoŭnym trenieram mieksikanskaha kłuba «Darados», jaki vystupaje ŭ druhim pa sile futbolnym dyvizijonie Mieksiki. U červieni 2019 hoda Maradona pakinuŭ pasadu (jak paviedamlali ŚMI, pa stanie zdaroŭja).
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu4
Kamientary