U biełaruskim čempijanacie futbalist zabiŭ hoł z vuhłavoha «suchim listom» VIDEA
U matčy čempijanata Biełarusi pamiž «Baranavičami» i dziaržynskim «Arsienałam» hulec «Arsienała» Dźmitryj Ancileŭski zabiŭ pryhožy hoł, padajučy miač z vuhłavoha.
Na 39‑j chvilinie matča Ancileŭski padavaŭ miač u štrafnuju z vuhłavoha, i toj, nikoha z hulcoŭ nie kranuŭšysia, niespadziavana zalacieŭ u dalni vuhał varot.
Taki ŭdar u futbole zvyčajna nazyvajuć «suchi list». Heta lehiendarny futbolny pryjom, pry jakim miač paśla ŭdaru lacić pa składanaj duzie, krucicca vakoł svajoj vosi i ŭ kancy rezka apuskajecca ŭ varoty. Svaju nazvu jon atrymaŭ za padabienstva trajektoryi z tym, jak padaje na ziamlu suchoje liście: zdajecca, što miač lacić mima abo vyšej, ale ŭ apošni momant jaho «prybivaje» da ziamli.
Hety ŭdar ličycca adnym z samych składanych dla bramnikaŭ, bo vyznačyć punkt pryziamleńnia miača praktyčna niemahčyma da samaha apošniaha momantu.
Kaliści jašče ŭ savieckija časy hety pryjom byŭ sapraŭdnaj vizitoŭkaj hulca kijeŭskaha «Dynama» Valeryja Łabanoŭskaha, jaki paśla jašče bolš prasłaviŭsia jak suśvietna viadomy trenier. Suśvietnym ža jaho pieršapačynalnikam ličycca brazilski futbalist Dzidzi, jaki hulaŭ u 1950 — 1960‑ia hady.
Šakira pradstaviła aficyjnuju pieśniu mundyjalu-2026
Adidas źniaŭ krutuju piacichvilinnuju karotkamietražku da čempijanatu śvietu pa futbole z Šałame, Bekchemam, Zidanam, Miesi i del Pjera
Adidas apranie biełaruskich futbalistaŭ. Što kažuć u kampanii?
Pietycyja, jakaja zaklikaje «Reał» razarvać kantrakt z Mbape, nabrała bolš za 12 młn podpisaŭ
Kamientary