Pientahon apublikavaŭ pieršuju častku rassakrečanych dakumientaŭ pra NŁA, jakija byli abnarodavanyja pavodle ŭkazu prezidenta ZŠA Donalda Trampa.
Dla hetaha na sajcie amierykanskaha vajskovaha viedamstva stvaryli asobny raździeł, dzie ŭžo źjavilisia dziasiatki staronak dakumientaŭ, a taksama fota i videa, źviazanyja z tak zvanymi «nieapaznanymi anamalnymi źjavami» — sučasnaj nazvaj dla vypadkaŭ, jakija raniej nazyvali NŁA.
Pieršaja partyja apublikavanych materyjałaŭ pra NŁA ahułam źmiaščaje 162 fajły. U jaje ŭvajšli archiŭnyja telehramy Dziaržaŭnaha departamienta ZŠA, dakumienty FBR, a taksama stenahramy NASA, źviazanyja z kaśmičnymi misijami i palotami astranaŭtaŭ.
Apublikavanyja materyjały achoplivajuć pieryjad ad 1947 hoda — času viadomaha incydentu ŭ Rozuele ŭ štacie Ńju-Mieksika — i da našych dzion. Najnoŭšyja spravazdačy tyčacca padziej druhoj pałovy 2025 hoda.
U adnym z dakumientaŭ apisvajecca dopyt piłota drona, jaki śćviardžaŭ, što ŭ 2023 hodzie bačyŭ u niebie doŭhi abjekt ź vielmi jarkim śviatłom i pałosami ŭnutry hetaha śviačeńnia.
U Pientahonie zajavili, što rassakrečvańnie pravodzicca «ŭ intaresach poŭnaj prazrystaści». Pavodle viedamstva, heta maštabnaja praca, u jakoj udzielničajuć dziasiatki dziaržaŭnych struktur, u tym liku NASA, FBR, raźviedka i Ministerstva enierhietyki ZŠA.
Novyja materyjały abiacajuć publikavać pastupova — prykładna raz na niekalki tydniaŭ.
Donald Tramp nazvaŭ abnarodavańnie dakumientaŭ adnym z pośpiechaŭ svajoj administracyi. Pavodle jaho słoŭ, papiarednija ŭłady nie zmahli zabiaśpiečyć adkrytaść u hetaj temie.
Tema NŁA ŭ ZŠA znoŭ stała papularnaj paśla niadaŭnich vykazvańniaŭ byłoha prezidenta Baraka Abamy, jaki dapuściŭ mahčymaść isnavańnia pazaziamnoha žyćcia, choć i adznačyŭ, što nie bačyŭ nijakich dokazaŭ kantaktaŭ ź inšapłaniecianami.
Pry hetym amierykanskija ŭłady padkreślivajuć: choć byli zafiksavanyja sotni vypadkaŭ nieapaznanych źjaŭ, dokazaŭ isnavańnia inšapłanietnych technałohij abo kantaktaŭ z pazaziamnymi cyvilizacyjami pakul nie vyjaŭlena.
Tramp daručyć raskryć dakumienty, «jakija datyčacca inšapłanietnaha i pazaziamnoha žyćcia» i NŁA
Abama pra inšapłaniecian: Jany isnujuć
U ZŠA źnik hienierał, jaki kiravaŭ sakretnymi prahramami Pientahona
«My nie adny ŭ kosmasie». Novaja spravazdača Pientahona pra NŁA vyklikała sprečki ŭ Kanhresie ZŠA
NASA ŭpieršyniu ŭ historyi stvaryła kamisiju dla vyvučeńnia paviedamleńniaŭ ab NŁA
Kamientary