Vizažystka z Homiela ŭ honar 9 maja zapisała śviatočny rolik — maksimalna vulharna rasfarbavała 13‑hadovuju dačku
«Patryjatyčny» tyktok Aleny Bryćko ŭžo pahladzieła bolš za 2 miljony čałaviek. I sotni ź ich napisali, što takaja bajavaja rasfarboŭka nie pasuje dla pieśni «Kaciuša». Ale vizažystka ščyra ŭpeŭnienaja: heta prosta ludzi ničoha nie razumiejuć u mastactvie.
Na tyktok vizažystki Aleny Bryćko z Homiela padpisana kala 69 tysiač čałaviek. Zvyčajna jana zapisvaje roliki razam z dačkoj — robić toj makijaž, paśla jakoha školnica pačynaje vyhladać starejšaj minimum hadoŭ na dziesiać.
Napiaredadni Dnia Pieramohi Alena zapisała čarhovaje videa, jakoje, imavierna, pavinna było vyklikać niejkija patryjatyčnyja pačućci. Pad remiks «Kaciušy» — pieśni, jakaja na postsavieckaj prastory stała adnym ź simvałaŭ Druhoj suśvietnaj vajny — vizažystka zrabiła makijaž sabie i dziaŭčyncy.
Naprykancy rolika žančyna z dačkoj vyhladajuć davoli pravakacyjna — uličvajučy toje, što razam z bajavoj rasfarboŭkaj jany apranuli vajskovuju formu. Bolšaść kamientataraŭ jarki mejkap nie acanili. Ludzi sotniami pišuć kamientary, što jon nie pasuje dla Dnia Pieramohi.
Alena ž z hetym kateharyčna niazhodnaja i piša, što ludzi ničoha nie razumiejuć u jaje tvorčaści. A jana mastak i tak bačyć: «Heta tolki vam tak padajecca! Ja rablu tolki takija makijažy. Moj makijaž — heta mastactva, a nie prosta niud».
Ciapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru4
Kamientary