Sotni pasažyraŭ z ranicy čakali vylet ź Minska ŭ Antaliju — «Biełavija» kaža, što samalot złamaŭsia
«Urny zabityja, pra tualety maŭču».
Biełarusy z samaha ranku čakali svoj rejs ź Minska ŭ Antaliju. Usio praz pałamany samalot, jakomu nijak nie mahli dać rady.
Detali hetaj historyi sabrała karystalnica Threads pad nikam kachan_marina. Pavodle jaje, u noč na 8 maja, u 2.20, ź Minska musiŭ vylecieć samalot u Antaliju, ale ž jon złamaŭsia. Adna z pasažyrak raspačała skandał, i toj hrupie addali samalot, jakim u Antaliju musiŭ vylecieć rejs na 8.45.
Tym časam ludzi, jakija musili vylecieć u Antaliju rankam, uvieś čas znachodzilisia ŭ minskim aeraporcie:
«Naša hrupa (kala 200 čałaviek, dzieci, pažyłyja i darosłyja) čakaje svajho vyleta ŭžo 10 hadzin. Kampanija dała haračyja abiedy, sendvičy i vadu.
Ale ŭvieś hety čas prosta pad voknami sprabujuć adramantavać ruchavik samalota i abiacajuć nam vylet u 19.00».
Pavodle žančyny, kali samalot da hetaha času nie pačyniać, ludziej adpraviać u hatel, a voś nastupnaja hrupa ludziej vylacić pa raskładzie — u 2.20.
Inšyja pasažyry taho niaŭdałaha rejsa taksama pryjšli ŭ Threads. Voś što piša žančyna pad nikam chernyaalina:
«Pradstaŭniki kampanii ničoha nie kažuć, inšyja rejsy vylatajuć. Śmietnicy zabityja, pra tualety maŭču. Haračaje charčavańnie dla dziaciej praz abureńnie.
Nichto ni ŭ čym nie vinavaty! Prosta 200 čałaviek siadziać i čakajuć niezrazumieła čaho!»
U kamientarach da adnaho z pastoŭ źjaviŭsia mužčyna, jakija čakaje taho ž rejsa ŭ Antalii, kab viarnucca ŭ Minsk. Jon musiŭ vylecieć u Biełaruś u 15 hadzin, ciapier vylet abiacajuć u 2 hadziny 9 maja.
Dapoŭniena. A 19‑j samalot narešcie vylacieŭ.
«Naša Niva» — bastyjon biełaruščyny
PADTRYMAĆCiapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary