U Kramli prajšli pieramovy prezidenta Rasii Uładzimira Pucina z premjer-ministram Słavakii Robiertam Ficam. Jany prajšli z udziełam delehacyj abiedźviuch krain.
Pierad pieramovami Pucin i Fica parazmaŭlali sam-nasam, piša RBK.
«Udziačnyja vam za toje, što vy pryniali rašeńnie być razam z nami i siońnia. Viedaju, jak i minułym razam, byli peŭnyja składanaści z vašym pryjezdam u Maskvu. Hetym razam było krychu lahčej, ale heta niavažna. A važna toje, što vy tut», — źviarnuŭsia da Ficy rasijski lidar.
Pierad hetym Pucin i Fica ŭziali ŭdzieł u paradzie Pieramohi na Krasnaj płoščy, a paśla nakiravalisia na ŭračysty pryjom dla kiraŭnikoŭ delehacyj zamiežnych dziaržaŭ i hanarovych haściej.
Fica prybyŭ u Maskvu napiaredadni dla ŭdziełu va ŭračystych mierapryjemstvach da Dnia Pieramohi. U toj ža dzień jon uskłaŭ kvietki da Mahiły Nieviadomaha Sałdata.
Padčas vizitu Ficy, pavodle zajavy słavackaha MZS, maje namier pieradać Pucinu pasłańnie ŭkrainskaha lidara Uładzimira Zialenskaha.
Pres-sakratar rasijskaha lidara Dźmitryj Piaskoŭ paśla ŭračystaha pryjomu ŭ Kramli 9 maja kazaŭ, što hetaha pakul nie adbyłosia. «Na pryjomie ŭsie byli, tam asabliva nie było mahčymaści», — rastłumačyŭ jon.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary