U Viciebsku ad ciažkaj pnieŭmanii pamierła 47-hadovaja miedsiastra. Pieršaja takaja śmierć miedrabotnika
U Viciebsku 2 krasavika za sutki pamierli dva čałavieki ź pnieŭmanijaj.
Pra heta na pasiadžeńni abłasnoha štaba zajaviŭ vykanaŭca abaviazkaŭ načalnika hałoŭnaha ŭpraŭleńnia pa achovie zdaroŭja Mikałaj Kaśpirovič. Takuju infarmacyja paviedamiła dziaržaŭnaja hazieta «Vićbičy», ale nieŭzabavie tekst źnik z sajta, zastaŭšysia tolki ŭ kešy huhła (nieŭzabavie paśla našaj publikacyi tekst viarnuŭsia na sajt — Red.)
Pavodle słoŭ čynoŭnika, za sutki ŭ Viciebsku vyjaŭleny čatyry novyja vypadki infiekcyi ŭ pacyjentaŭ, jakija ŭžo byli na lačeńni. Dva čałavieki pamierli.
Pieršy vypadak — žančyna, starejšaja za 70 hadoŭ z chraničnymi patałohijami. Jaje test na karanavirus jašče pierapraviarajuć.
Druhi — miedycynskaja rabotnica, u jakoj była dvuchbakovaja pnieŭmanija virusna-bakteryjnaha hienezu. Paćvierdžanych vynikaŭ testa na karanavirus taksama niama.
Jak stała viadoma «Našaj Nivie», havorka idzie pra staršuju miedsiastru adnaho z adździaleńniaŭ Viciebskaj haradskoj kliničnaj balnicy №1, u hety čas pieraprafilavanaha pad rabotu z chvorymi i padazravanymi na karanavirus.
Śviatłanie K. było 47 hadoŭ. Źviazacca sa svajakami pakul nie ŭdałosia.
Kalehi žančyny paćviardžajuć jaje dyjahnaz — duchbakovaja polisiehmientarnaja pnieŭmanija.
Heta pieršaja takaja śmierć miedrabotnika ŭ Biełarusi.
Čytajcie taksama: «Mama vielmi lubiła miedycynu i svaju spravu». U Viciebsku ad pnieŭmanii pamierła 47-hadovaja miedsiastra
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary