Łukašenka pra Cichanoŭskaha: Šałudzivy. Ale my viedajem, jakoje ŭ jaho hramadzianstva
Alaksandr Łukašenka siońnia padčas razmovy z rabotnikami Minskaha traktarnaha zavoda adkazaŭ na pytańnie ab svaich mahčymych simpatyjach da patencyjnych kandydataŭ na vybarach, pieradaje BiełTA.
«Mužyki tam kipiš padniali, dzieści chtości chodzić, kryčyć. Niadaŭna mnie pres-sakratar dałažyła: milicyjaniera abraziŭ (udzielnik pikietu. — Zaŭv. BIEŁTA), kali jamu zrabiŭ zaŭvahu. Jany pryjazdžajuć zuchavatyja, na džypach usie — pa 10-12 mašyn. U čužy horad pryjechali, vystrailisia i pajšli pa płoščach, vulicach…», — skazaŭ Łukašenka, majučy na ŭvazie Cichanoŭskaha.
Akramia taho, Alaksandr Łukašenka siońnia źviarnuŭ uvahu na artykuł u rasijskim vydańni «Kommiersant». «Heta nibyta niezaležnaja hazieta ŭ Rasii. Ale my viedajem, chto jaje finansuje… Nibyta intervju biare ŭ adnaho šałudzivaha, inakš na nazavieš, jaki tut chodzić, kryčyć pa Minsku bolš, dy i ŭ inšych haradach. Ale my viedajem, na čyich mašynach jon jeździć, chto jaho finansuje. My viedajem, adkul jon pryjechaŭ, jakoje ŭ jaho hramadzianstva i inšaje… My ŭsio heta viedajem. Dy ja ŭžo hladžu, mnie dajuć infarmacyju, užo našy ludzi ŭbačyli», — adznačyŭ Łukašenka.
«Hladžu na hety artykuł. I ŭžo vušy tyrčać u hetaha čałavieka. Jon navat nie kandydat u prezidenty, za žonku tam dbaje. Razumieje ž, što za žonku nichto nie prahałasuje ŭ Biełarusi», — skazaŭ Łukašenka.
«Voś «Kommiersant» vybuchnuŭ artykułam. Paśpiašalisia, praŭda. Pakazali, adkul vušy tyrčać. Navat cełyja rohi. Paśpiašalisia padtrymać. Naturalna, nakat na Łukašenku z uchiłam na pandemiju (nie tak lečym)», — dadaŭ kiraŭnik Biełarusi.
Kamientary