Siejm Łatvii kančatkova abmiežavaŭ viaščańnie hramadskich miedyja na ruskaj movie
Z 1 studzienia hramadskija ŚMI ŭ Łatvii zmohuć vieści viaščańnie na ruskaj movie tolki ŭ vyklučnych vypadkach.
Siejm Łatvii ŭ kančatkovym čytańni abmiežavaŭ viaščańnie hramadskich miedyja na ruskaj movie, paviedamlaje «Vołna».
Z 1 studzienia kantent na movach mienšaściaŭ, pryznanych «samadastatkovymi», u tym liku ruskamoŭny, možna budzie raspaŭsiudžvać tolki ŭ vypadku nadzvyčajnaj situacyi abo dla abviaržeńnia dezynfarmacyi.
Jak zajaviła člen praŭleńnia LSM Jeva Ajle: «Kantentu na ruskaj movie naohuł nie budzie, za vyklučeńniem vielmi redkich vypadkaŭ. Kali źjavicca dezynfarmacyja — iłžyvaja, jakaja ŭvodzić u zman infarmacyja pra hieapalityčnuju situacyju, jakaja pahražaje demakratyi i łatvijskaj dziaržavie ŭ cełym, — partał LSM zmoža padrychtavać niejki kantent na ruskaj movie. Raspaŭsiudžvać jaho, chutčej za ŭsio, buduć praz staronnija płatformy i sacyjalnyja sietki, i tolki. My zaklikajem aŭdytoryju sprabavać pierajści na kantent na łatyšskaj movie».
Pavodle słoŭ Ajle, častka supracoŭnikaŭ budzie zvolnienaja.
«Nad kantentam na ruskaj movie ŭ nas pracujuć bolš za dziesiać čałaviek: jany adaptujuć naviny, robiać viačerni vypusk navin. Hetyja źmieny, na žal, zakranuć i ich», — skazała jana.
Pry hetym člen praŭleńnia LSM nie viedaje, kolki spažyŭcoŭ ruskamoŭnaha kantentu piarojdzie na łatyšskamoŭny.
«Pavodle našych danych, paśla rašeńnia zakryć radyjostancyju Łatvijskaje radyjo 4 — «Domskaja płošča» — my stracili prykładna 90 000 słuchačoŭ ź liku mienšaściaŭ. Statystyka partała LSM.lv śviedčyć pra toje, što za hod kolkaść čytačoŭ navin na ruskaj movie skaraciłasia prykładna na tracinu. Prykmietnaj tendencyi da taho, što aŭdytoryja mienšaściaŭ pierajšła na kantent na łatyšskaj movie, nie nazirajecca. U toj ža čas SEPLP patrabuje ad nas pavialičvać achop, asabliva siarod mienšaściaŭ i moładzi. Heta budzie bolš čym składana: istotna źmianić miedyjnyja zvyčki za karotki termin niemahčyma».
U sakaviku Kanstytucyjny sud Łatvii pastanaviŭ, što hramadskija miedyja pavinny pierahledzieć svaju moŭnuju palityku. U ahulnym vyhladzie rekamiendacyi takija: łatyšskaja — asnoŭnaja mova, da moŭ mienšaściaŭ — pavaha, adnak ruskaja — mova samadastatkovaj mienšaści, i na joj isnujuć kamiercyjnyja miedyja, tamu raźvivać viaščańnie na ruskaj movie ŭ hramadskich ŚMI nie treba.
-
Stała viadoma, jakoj krainie pieradavaŭ infarmacyju były kiraŭnik niamieckaj raźviedki
-
Uzbrojenyja ludzi ŭ maskach siłkom hnali mihrantaŭ ź Biełarusi ŭ Łatviju, pierasiekli miažu i skrali kamiery
-
Viadučy trejdar papiaredziŭ pra ryzyku rostu cen na naftu da $200 za baral praź niedachop reziervaŭ i tankieraŭ
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary
Heta tekst sa staroki babarykanskaj partyi Vmiestie.