Babaryka: Dziejańni siońniašniaha dnia nosiać zamoŭny palityčny charaktar
Pra heta patencyjny kandydat u prezidenty Viktar Babaryka zajaviŭ na ekstrannaj pres-kanfierencyi ŭ Minsku.
«Ja b nie rabiŭ nijakich zajaŭ, kab heta nie tyčyłasia maich siabroŭ. Usia maja dziejnaść, jakaja prachodziła na pasadzie kiraŭnika Biełhazprambanka ciaham 20 hadoŭ, nie vyklikała zaŭvah z boku pravaachoŭnych orhanaŭ. My prachodzili ŭsie pravierki, u tym liku Nacbanka. Apošniaja — u studzieni. Ni razu pytańniaŭ nie było.
Dziejańni siońniašniaha dnia nosiać zamoŭny charaktar», — skazaŭ jon.
Jon zaklikaŭ pravaachoŭnyja orhany trymacca zakonnaści.
«Ja čakaŭ cisku na mianie, i była infarmacyja, što ŭdar budzie pa mnie. Ale toje, što adbyłosia, pakazvaje, što suprać mianie ničoha niama. Ja hatovy da hetaha», — kaža Babaryka.
Viktar Babaryka skazaŭ, što nijakich karektyvaŭ u vybarčuju kampaniju nie budzie. «Maje kalehi skazali, što my vyjdziem jašče bolš aktyŭna źbirać podpisy».
«Što budzie, kali mianie nie zarehistrujuć?»
Ź niefarmalnych pryčyn admovy nie budzie, skazali ŭčora aficyjnyja lidary. «Značyć admovy ŭ rehistracyi nie budzie». Što da farmalnych pryčyn: kali parušeńniaŭ niama, to robicca sproba prybrać hetu asobu.
Kali heta adbudziecca (nierehistracyja), to ŭjavicie sabie, heta budzie jak raśpisacca ŭ svaim biaśsilli. «Prosta nie vyjści na pole baraćby — heta budzie poŭnaje biaśsille. Nierehistracyja našaj hrupy budzie kazać pra toje, što rejtynhi, jakija drukujucca ŭ ŚMI, pravilnyja».
Babaryka dadaŭ, što sabraŭ užo bolš za 300 tysiač podpisaŭ.
«Ja hatovy da abjadnańnia z usimi kandydatami, kali jany trymajucca peŭnaj prahramy».
Apytanka
Ciapier čytajuć
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy3
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary