Siońnia spaŭniajecca 70 hadoŭ biełaruskamu palityku, eks-palitviaźniu Mikałaju Statkieviču.
Mikałaj Viktaravič naradziŭsia 12 žniŭnia 1956 hoda ŭ vioscy Ladna, što ŭ Słuckim rajonie. Skončyŭ Minskaje vyšejšaje inžyniernaje zienitnaje rakietnaje vučylišča (siońnia na jaho bazie — Vajskovaja akademija), čatyry hady adsłužyŭ u Murmanskaj vobłaści.
U 1991 hodzie stvaryŭ Biełaruskaje zhurtavańnie vajskoŭcaŭ, u 1995 hodzie ŭznačaliŭ Biełaruskuju sacyjał-demakratyčnuju partyju (Narodnaja Hramada).
Statkievič byŭ trojčy źniavoleny. Pieršy raz u 2004 hodzie, kali atrymaŭ try hady za arhanizacyju ŭ Minsku vuličnaj akcyi suprać aficyjnych vynikaŭ parłamienckich vybaraŭ i refierendumu.
Potym u 2010 hodzie paśla prezidenckich vybaraŭ. Eks-kandydat u prezidenty braŭ udzieł u akcyi na płoščy Niezaležnaści suprać vynikaŭ prezidenckich vybaraŭ. Zatrymany 19 śniežnia 2010 hoda, jak i šerah inšych kandydataŭ, nieŭzabavie paśla razhonu akcyi. Jaho asudzili na šeść hadoŭ kałonii ŭzmocnienaha režymu.
Vyjšaŭ na volu ŭ žniŭni 2015 hoda na hod raniej pavodle amnistyi Łukašenki.
Treci raz byŭ aryštavany 31 maja 2020 hoda, kali jechaŭ na pikiet Cichanoŭskaj na Kamaroŭcy ŭ Minsku. Praz paŭtara hoda byŭ asudžany na 14 hadoŭ pazbaŭleńnia voli asobaha režymu. Adbyvaŭ termin u Hłybockaj kałonii.
11 vieraśnia 2025 hoda byŭ vyviezieny z turmy razam ź inšymi 52‑ma palitviaźniami, ale admoviŭsia pakidać Biełaruś, zastaŭsia na niejtralnaj pałasie, praź niekalki hadzin byŭ zatrymany i viernuty ŭ kałoniju. 19 lutaha 2026 hoda byŭ adpuščany damoŭ u Minsku.
Mikałaj Statkievič zastajecca ŭ Biełarusi. Niadaŭna ŭ intervju Zeit zajaviŭ, što sproby vycisnuć jaho z krainy zastajucca marnymi.
«Kali ja vyjšaŭ, u mianie nie było navat pašparta, a jon byŭ patrebny, kab atrymać miedyčnuju dapamohu. Paźniej, kali mnie stała lepš, čynoŭniki viarnuli mnie pašpart. Aprača taho, naš dom znosiać. My žyviom u tak zvanym haradku navukoŭcaŭ u Minsku, jaki płanujuć pierabudavać, — praces idzie ŭžo daŭno, a paśla majho vyzvaleńnia jaho jašče i paskoryli, što dakładna nie vypadkovaść. Ale ŭsie sproby vycisnuć mianie ź Biełarusi byli marnyja. Ja nie pakinu krainu», — skazaŭ jon.
Statkievič: Usie sproby vycisnuć mianie ź Biełarusi byli marnyja. Ja nie pakinu krainu
Statkievič — amierykanskamu dypłamatu na miažy: Vam patrebny tolki dobry pijar, a ja dziela hetaha pavinien admovicca ad radzimy?
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana2
Kamientary
značyć možna było pry žadańni nie ŭstupać?