Z 12 žniŭnia «Biełsat» całkam pierachodzić na viaščańnie praz spadarožnik Hot Bird 13E. Tranślacyja praz raniejšy spadarožnik Astra spyniajecca, paviedamiŭ telekanał.
Dahetul «Biełsat» viaščaŭ paralelna praz dva spadarožniki — Astra i Hot Bird. Pierachodny pieryjad byŭ patrebny, kab hledačy mieli čas pieranaładzić abstalavańnie. Z 12 žniŭnia tranślacyja praz Astra całkam spyniajecca, a spadarožnikavy sihnał «Biełsatu» budzie dastupny praz Hot Bird 13E.
«Biełsat» viaščaje praz Hot Bird u składzie biaspłatnaha spadarožnikavaha pakietu «Svaboda», stvoranaha mižnarodnaj arhanizacyjaj «Reparciory bieź miežaŭ». Razam z «Biełsatam» u pakiet uvajšli telekanały «Vot Tak» i «Słava», a taksama šerah inšych niezaležnych miedyjaŭ.
Dla pryjomu sihnału antenu treba nakiravać na spadarožnik Hot Bird 13.0E. Paramietry dla naładki:
Spadarožnik — Hot Bird 13.0E
Častata — 10 949 MHc
Palaryzacyja — viertykalnaja
SR — 27500 Ksim/s
FEC — 2/3
Madulacyja — DVB-S2/8PSK
Kali antena raniej była naładžanaja na Astra, jaje nieabchodna fizična pieranakiravać na novuju spadarožnikavuju pazicyju. Dla pryjomu patrebny liniejny kanviertar. Kali ciapier vykarystoŭvajecca kanviertar kruhavoj palaryzacyi, mianiać usiu antenu nie treba — dastatkova zamianić kanviertar.
Padrabiaznuju pakrokavuju instrukcyju, jak pieranaładzić antenu i znajści «Biełsat» na novym spadarožniku, možna znajści na staroncy «Jak nas hladzieć» na sajcie «Biełsata».
Akramia spadarožnika, «Biełsat» pa-raniejšamu možna hladzieć na YouTube, u kabielnych sietkach Polščy i Ukrainy i na ličbavych płatformach u Polščy i Litvie.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy3
Kamientary
eto otličnaja novosť, t.k. chot biord eto vtoroj v Biełarusi po popularnosti sputnik pośle ntv+/trikołor.