U pierastrełkach na miažy Armienii i Azierbajdžana zahinuŭ azierbajdžanski hienierał
Azierbajdžan pryznaŭ hibiel 11 svaich vajskoŭcaŭ, u tym liku hienierała, u pierastrełkach na miažy z Armienijaj. Armienija zajaviła pra hibiel dvuch svaich vajskoŭcaŭ. Bai iduć ułasna na armianska-azierbajdžanskaj miažy, nie na terytoryi sprečnaha Nahornaha Karabacha.
Namieśnik ministra abarony Azierbajdžana Kierym Vialijeŭ paviedamiŭ, što bajavyja dziejańni praciahvajucca. Jon pryznaŭ, što padčas artyleryjskich abstrełaŭ armianskaha boku zahinuła niekalki vysokapastaŭlenych azierbajdžanskich aficeraŭ, u tym liku hienierał-major Paład Chašymaŭ.
Ranicaj u aŭtorak, 14 lipienia, Azierbajdžan zajaviŭ, što ŭzbrojenyja siły Armienii abstralali z bujnakalibiernaj zbroi i artyleryjskich ustanovak vioski Ahdam, Alibiejli i Dondar Hušču.
Bai na armiana-azierbajdžanskaj miažy pačalisia 12 lipienia. Baki abvinavačvajuć adzin adnaho ŭ pravakacyjach. Pasoł Azierbajdžana ŭ Rasii Paład Biulbiul ahły nie vyklučyŭ, što bajavyja dziejańni mohuć pieraraści ŭ maštabnuju vajnu praz Nahorny Karabach.
Hibiel hienierała moža vyklikać dziejańni Azierbajdžana ŭ adkaz i pierarastańnie kanfliktu ŭ bolš maštabny.
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary