Karbalevič: Nierehistracyja Babaryki — biassprečny znak słabaści Łukašenki
Łukašenka machnuŭ rukoj na vobraz mocnaha palityka, jaki nie baicca kankurencyi, piša na Svaboda.org palityčny ahladalnik Valer Karbalevič.
Maŭlaŭ, Babaryka nie ŭkazaŭ dachodaŭ, «nažytych złačynnym šlacham». Hetyja vysnovy CVK hruntavalisia na papiaredniaj infarmacyi śledčych orhanaŭ. Praihnaravali pryncyp prezumpcyi nievinavataści: toje, što złačynstva luboha hramadzianina moža pryznać tolki sud.
Čytajcie taksama: «Parušana prezumpcyja nievinavataści», — juryst Sapiełka pra admovu rehistravać Babaryku
A toje, što ŭdzieł supracoŭnikaŭ Biełhazprambanka ŭ inicyjatyŭnaj hrupie Babaryki rascanili jak dapamohu zamiežnaj struktury, uvohule ŭvojdzie ŭ padručniki jurysprudencyi jak pravavy kurjoz.
Ułasna, siońniašniaje rašeńnie CVK całkam vynikaje z toj stratehii, jakuju vybrała kiroŭnaja kamanda. Z momantu aryštu Babaryki inšaha rašeńnia prosta być nie mahło.
Možna mierkavać, što paśla aryštu Babaryki i intensiŭnaj dyskredytacyi jaho dziaržaŭnymi miedyja jahonaja papularnaść, naadvarot, uzrasła.
Bo zapracavaŭ čyńnik simpatyi da achviary ŭładnaha samavolstva. To-bok efiekt atrymaŭsia advarotny. U vyniku — inšych varyjantaŭ, akramia jak vykinuć Babaryku z vybarčaha pracesu, u Łukašenki nie zastałosia.
Byŭ, praŭda, taki ryzykoŭny varyjant: pakinuć Babaryku ŭ biuleteniach, a staŭku zrabić na vybarčuju mašynu, jakaja za čverć stahodździa navučyłasia davać patrebny vynik.
Ale tut jość adna prablema. Na pačatku kampanii žurnalisty pytali Viktara Babaryku: maŭlaŭ, na što vy spadziejaciesia? Chiba nie viedajecie, što ŭ Biełarusi vybaraŭ niama? Toj adkazaŭ, što kali mianie padtrymaje 80%, to ŭsia vybarčaja mašyna pałamajecca i CVK budzie vymušana davać realnyja vyniki hałasavańnia.
Łukašenka spužaŭsia, što Babaryka maje racyju, i nie staŭ pravodzić taki ekśpieryment — jon vialiki pierastrachoŭščyk.
Jakija vysnovy? Łukašenka achviaravaŭ vobrazam mocnaha palityka, jaki nie baicca kankurencyi. Taki vobraz jon demanstravaŭ raniej. Ciapier usia hetaja infarmacyja pra rejtynh u 76% — chłuśnia. Bo z takim rejtynham možna było b rehistravać usich.
Čytajcie taksama: Łukašenku prynosiać sacyjałohiju, pavodle jakoj uzrovień davieru jamu — 76%
Ciapier mianiajucca i sposaby lehitymacyi, i pryroda palityčnaha režymu, i šmat što inšaje.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia8
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary