Na Homielščynie zatrymali dvuch naziralnikaŭ. Adnaho zavieźli ŭ izalatar
U vioscy Branisłaŭ Žytkavickaha rajonu milicyja zatrymała i zaviezła ŭ izalatar časovaha ŭtrymańnia naziralnika Jaŭhiena Ščura. Pra heta «Svabodzie» paviedamiŭ pravaabaronca Leanid Sudalenka i paćvierdziła žonka zatrymanaha.
Tym časam u Homieli zatrymany naziralnik Uładzimier Niapomniaščych, paviedamili jahonyja paplečniki «Svabodzie». Abstaviny zatrymańnia pakul nieviadomyja.
4 i 5 žniŭnia Jaŭhien Ščur naziraŭ na vybarčym učastku ŭ vioscy. «4 žniŭnia ŭsio prajšło narmalna. 5 žniŭnia dyrektarka miascovaj škoły-sadu, dzie raźmieščany ŭčastak, admoviłasia dapuścić jaho nazirać za vybarčym pracesam, choć tam nie było inšych naziralnikaŭ. Jana zahadała pakinuć pamiaškańnie škoły, a potym vyklikała milicyju», — paviedamiła žonka zatrymanaha Kaciaryna Bondar.
Pa vyniku na naziralnika skłali pratakoł pavodle artykułu za drobnaje chulihanstva (17.1 KaAP). Jon ciapier u izalatary časovaha ŭtrymańnia, zaŭtra maje adbycca sud.
Abstavinaŭ «drobnaha chulihanstva» žonka Jaŭhiena Ščura nia viedaje. «Jon nia pje, nia kuryć, pavodzić siabie vietliva i karektna, ja ź im razmaŭlała, kali jaho zatrymlivali, u jaho byŭ spakojny hołas», — dadała Kaciaryna Bondar.
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary