U Salihorsku muž čakaŭ niezaležnuju naziralnicu ŭ faje škoły — i atrymaŭ 15 sutak
Kaciaryna Čudakova z Salihorska — niezaležnaja naziralnica. Jana akredytavałasia na ŭčastak №14. Razam ź jašče dvuma naziralnikami jany dziažuryli pa čarzie.
«Maja matyvacyja była ŭ cikavaści «jak usio prachodzić» i «ja nie vieru, što nastaŭniki robiać usio, što pra ich pišuć u siecivie», — dzielicca dziaŭčyna.
Paśla paru dzion dziažurstva i bačańnia realnaj karciny jana była na miažy niervovaha zryvu.
6 žniŭnia ŭviečary jana pryjšła padmianić inšuju naziralnicu. Adnak prabyła niadoŭha — u škole pachła farbaj, i Kaciarynie stała drenna. Jana paprasiła muža Alaksandra, jaki ŭ toj čas byŭ na vulicy kala ŭčastka, pačakać jaje ŭ faje, pakul jana źjeździć dadomu ŭ prybiralniu. Pakinuła jamu list dla padliku vybarščykaŭ. Muž zastaŭsia siadzieć pierad turnikietam.
Kali Kaciaryna viarnułasia, ubačyła, jak Alaksandra vyvodziać z učastka try mužčyny ŭ formie.
Na videa, jakoje paśpieŭ źniać muž, bačna jak jaho prosiać pakinuć škołu «na padstavie zakona».
«Hramadzianin pieraškadžaje praviadzieńniu vybaraŭ. Tut prapuskny režym. Jon nie vybarščyk, prosta tut znachodzicca», — kaža na zapisie adzin ź milicyjantaŭ.
Alaksandr admoviŭsia sychodzić i paprasiŭ patłumačyć, čamu jamu tut nielha być. Paśla hetaha jaho zatrymali za niepadparakavańnie orhanam i pavieźli ŭ adździeł milicyi.
Na nastupny dzień prajšoŭ sud. Mužčynu dali 15 sutak pa artykule 23.4 KaAP (Niepadparadkavańnie zakonnamu rasparadžeńniu ci patrabavańniu słužbovaj asoby).
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra4
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary