Juryj Dudź zaklikaŭ biełaruskuju milicyju pierastać «kalečyć biazzbrojnych ziemlakoŭ»
Viadomy rasijski žurnalist Juryj Dudź u svaim telehram-kanale źviarnuŭsia da biełaruskaj milicyi z prośbaj nie ŭžyvać siłu da pratestoŭcaŭ.
«Što ja ŭbačyŭ sa svajoj chaty za apošnija dni? Jak vy bjacie i stralajecie ŭ biazzbrojnych ludziej na vulicy. Pryčym nie tolki tych, chto staić suprać vas na płoščach i vulicach, ale i tych, chto prosta siadzić na łaŭcy»,— napisaŭ Dudź.
Jon zaŭvažyŭ, što, na jaho dumku, «biez mocnych dzieciukoŭ i dziaŭčynak u pahonach» dziaržava isnavać nie moža.
«Ale niešta mnie padkazvaje, što vy treniravali hetuju siłu i stanavilisia supiermenami nie dla taho, kab kalečyć svaich biazzbrojnych ziemlakoŭ», — piša žurnalist.
Dudź dadaŭ, što kali milicyjanty pastupajuć padobnym čynam pa svajoj voli, to jany nie majuć racyi. Kali pa zahadzie načalstva — to «***** [vielmi daloka] treba słać takoje načalstva».
Pavaha i pakłon usim siłavikam, jakija siońnia ž vydychnuć, zadumajucca i bolš nie padymuć na svoj narod ni ruki, ni dubinki, ni stvała.
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary