Ź dziaržaŭnych ŚMI sychodziać žurnalisty. Siarod ich Dźmitryj Siemčanka — kiraŭnik puła žurnalistaŭ Łukašenki
Hetuju infarmacyju TUT.BY paviedamiła infarmavanaja krynica, sam Dźmitryj ad kamientaroŭ admoviŭsia.
Na ANT Siemčanka pracavaŭ ad 2009 hoda.
Taksama Dźmitryj Siemčanka ŭznačalvaje puł žurnalistaŭ, jakija pracujuć z Alaksandram Łukašenkam.
— Vialikaja žorstkaść AMAPa ŭsich žurnalistaŭ ANT prosta zabiła. U kožnaha jość svajak ci siabar, jaki surjozna paciarpieŭ. Mnohija rabiaty adrazu admovilisia rabić adkrytuju čerń. Chtości pajšoŭ na balničny, chtości - u biesterminovy adpačynak. Sychod Siemčanki moža paciahnuć łancuhovuju reakcyju nie tolki siarod dziaržaŭnych žurnalistaŭ, ale i stać sihnałam dla viertykali, što, ułasna, i adbyłosia, — kaža krynica, znajomaja ź situacyjaj.
— Kažuć, Markaŭ (kiraŭnik telekanała) jaho nie chacieŭ adpuskać. Tyja, chto byŭ u pryjomnaj, čuli za dźviaryma, jak jany litaralna kryčali adzin na adnaho. U vyniku Markaŭ nie padpisaŭ Siemčanku zajavu. Dzima spuściŭsia ŭ ńjus-rum da žurnalistaŭ i skazaŭ, što ŭsio roŭna sychodzić. Jon paprasiŭ nie sychodzić za im z salidarnaści. Skazaŭ, što ŭ kožnaha svaja hałava i kožny sam pavinien vyrašać za siabie, i jon nie choča, kab jaho ŭčynak niejak paŭpłyvaŭ na hetaje rašeńnie.
Nahadajem, što za apošnija dni niekalki žurnalistaŭ dziaržaŭnych ŚMI, televiadučych zajavili pra svoj sychod, siarod ich - Jaŭhien Pierlin, Siarhiej Kazłovič, Volha Bahatyrevič, Andrej Makajonak i inšyja.
Kamientary