«Amierykancy ŭbačyli z kosmasu, dali sihnał u centr, i ludzi raźbiehlisia». Łukašenka pra svajo źjaŭleńnie z aŭtamatam
Alaksandr Łukašenka ŭ intervju rasijskim žurnalistam raspavioŭ, čamu ludzi kala Pałaca Niezaležnaści 23 žniŭnia razyšlisia da taho, jak jon vyjšaŭ z aŭtamatam, źviarnuŭ uvahu TUT.by.
Jon raspavioŭ, što ŭ toj dzień u roznych telehram-kanałach źjaviłasia infarmacyja, što jon ź siamjoj uciok z krainy.
— Vy na maim miescy, jakija vašy dziejańni? — spytaŭ jon u žurnalistaŭ.
— Pakazaŭ by, što ja na miescy, — adkazaŭ adzin ź ich.
— I ja pakazaŭ, što ja na miescy. I ja nie bajaźliviec. I ja nie bajusia.
Zatym Łukašenka bolš padrabiazna raspavioŭ pra toj dzień.
— U mianie ŭ Pałacy Niezaležnaści situacyjny centr. Ja baču ŭsio, što robicca ŭ Minsku, z usich kamier. Vy pamiatajecie, jany tady ŭpieršyniu rynulisia siudy, da Pałaca Niezaležnaści. Jasna, što my hety varyjant praličvali, i Pałac Niezaležnaści byŭ abaronieny. Ale kali jany rušyli siudy, pobač u Drazdach, litaralna za dva kiłamietry ŭ mianie viertalot ŭ rezidencyi. Ja dumaju, ja pavinien pahladzieć, što tam robicca.
Ja sadžusia ŭ viertalot, a amierykancy z kosmasu, svołačy, bačać ža ŭsie, i jany adrazu ŭ svoj centr pad Varšavaj dali sihnał, što viertalot padniaŭsia. I jak tolki prezidencki viertalot padniaŭsia, jany pabiehli. Jany pačali razychodzicca. Nu ja ablacieŭ, pahladzieŭ, što adbyvajecca. Ale niejkaja kupka bajevikoŭ zastałasia.
Jon raspavioŭ, što jaho supravadžali try čałavieki sa słužby biaśpieki i za im «ŭviazałasia antyterarystyčnaje padraździaleńnie», taksama «3-4 čałavieki», a taksama jaho syn Mikałaj.
— Ja prademanstravaŭ, što ja tut, što maje dzieci tut, choć moj pres-sakratar [Natalla Ejsmant] biehła sa mnoj, kab ja nie vychodziŭ — a raptam snajpier?
Jon skazaŭ, što nie moh nie vyjści i nie padziakavać siłavikam — «hetym chłopcam, jakija stajali tam u łancuhu i hodna siabie pavodzili».
Nahadajem, 23 žniŭnia pa ŭsioj Biełarusi znoŭ prajšli akcyi pratestu, tradycyjna samaj masavaj ź ich stała šeście ŭ Minsku. Kala Pałaca Niezaležnaści ich sustreŭ zasłon. Ludzi, dajšoŭšy da jaho, praskandavali łozunhi i razyšlisia.
Paśla hetaha vyjšaŭ Alaksandr Łukašenka z aŭtamatam, pobač ź im išoŭ jaho 15-hadovy syn Mikałaj: u kamuflažnaj formie, broniekamizelcy i taksama z aŭtamatam. Padyšoŭšy da amapaŭcaŭ, Alaksandr Łukašenka nazvaŭ ich «pryhažunami», paśla čaho jamu zaapładziravali.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary