«Presboł», jakomu siońnia spoŭniłasia 30 hadoŭ, pakinuŭ jašče adzin žurnalist — Viačasłaŭ Fiedarenkaŭ
Viačasłaŭ addaŭ vydańniu amal 25 hadoŭ žyćcia.
Spartyŭny žurnalist Viačasłaŭ Fiedarenkaŭ pakinuŭ «Presboł».
«Taka fihnia, malaty… 01.08.2003 — 16.01.2021 z hadavym pierapynkam na adłučku ŭ FCHB [Fiederacyju chakieja]. A kali z pazaštatam — naohuł 24.03.1995 — 16.01.2021 (z hadavym ža pierapynkam na vojska). Razam — čverć stahodździa. Dumaju, «Presbołu» mianie mała za što možna papraknuć. Ščyra addaŭ haziecie samaje hałoŭnaje — maładość. Dy i ja nie zhadaju «Presboł» kiepskim słovam. Zdajecca, ciapier samy čas jaho prosta pamianuć…» — napisaŭ Fiedarenkaŭ u Facebook.
U 2020 hodzie ŭ «Presbole», 50% akcyj jakoha naležać Biełaruskaj fiederacyi futboła, źmianilisia dva hałoŭnyja redaktary: Siarhiej Kajko i Dźmitryj Hierčykaŭ, u vyniku Dźmitryj taksama pakinuŭ pasadu. U śniežni, niahledziačy na toje, što redakcyja prapanoŭvała kandydaturu sa svaich žurnalistaŭ, hałoŭredam byŭ pastaŭleny były žurnalist «Spartyŭnaj panaramy» i ANT Siarhiej Lisičkin.
U 2020-m hazietu pakinuli Uładzimir Piroh, Siarhiej Mardasievič, Siarhiej Małyška, Arciom Fando, Dźmitryj Bieleńki, Siarhiej Ščurko, Alaksandr Šyčko, Alena Strech.
Siońnia «Presbołu» spaŭniajecca 30 hadoŭ. Jaho pieršy numar vyjšaŭ 16 studzienia 1991 hoda.
Pakazalna, što ŭ śviežym numary źmieščanyja vinšavańni ad viadomych spartyŭnych ludziej. Vypadkova ci nie, ale tam niama nivodnaha čałavieka, chto padpisaŭ list za novyja vybary i suprać hvałtu.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary