Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada
Alaksandr Ahapaŭ vyrašyŭ sekanomić na strachoŭcy. A kali drenna adčuŭ siabie padčas kadencyi, to pabajaŭsia vyklikać chutkuju dapamohu, kab nie pierapłacić — i try dni ź insultam čakaŭ źmienščyka.
Nahadajem, Alaksandr Ahapaŭ atrymaŭ svaju chvilinu słavy, kali ŭ Hiermanii paŭdzielničaŭ u apytancy ruskamoŭnaha błohiera Adynajeva.
Alaksandr, jaki tady pracavaŭ dalnabojščykam z Bresta, pryznavaŭsia ŭ lubovi da Łukašenki i kazaŭ, što taho ŭ Biełarusi padtrymlivaje 99%. Videa było apublikavana jašče letaś, ale sioleta znoŭ stała virusnym.
Jak vyśvietliła «Naša Niva», hieroj videa raniej byŭ pamiežnikam — u adpaviednaj formie jaho možna pabačyć na fotazdymkach BiełTA jašče ŭ minułym hodzie.
Ciapier jon dalnabojščyk. Taksama Alaksandr raźvivaje svoj błoh u tyktoku i maje bolš za 15 tysiač padpisčykaŭ.
Ale niadaŭna jon trapiŭ u biadu — pra heta raspavioŭ jaho siabar, dalnabojščyk-błohier, jaki viadzie tyktok pad nikam «Barada na suviazi». Pa jaho słovach, Alaksandr Ahapaŭ vyrašyŭ sekanomić na strachoŭcy:
«My pryjazdžajem siudy zarabić hrošy i sprabujem sekanomić nie tolki na svaim straŭniku, ale i na svaim zdaroŭi. Cana žyćcia — usiaho kala 20‑30 jeŭra štomiesiac».
Błohier udakładniŭ, što padčas kadencyi Alaksandr adčuŭ siabie drenna. Źviazaŭsia sa svaim pracadaŭcam, ale toj napałochaŭ imaviernymi rachunkami za vyklik chutkaj dapamohi — prahučała suma 500 jeŭra. Skazaŭ, što kiroŭcu ŭsio pryjdziecca apłačvać samastojna.
— U Alaksandra byŭ insult. Try dni pakutavaŭ, paśla čaho pryjechaŭ źmienščyk, jaho zabraŭ — i ŭ maršrutku, pavioz na miažu Biełarusi. Adrazu ź miažy jaho zabrała chutkaja dapamoha, pavieźli na apieracyjny stoł. Rabili jamu trepanacyju čerapa — i ŭ hety momant adbyŭsia druhi insult. Zdarovy mužyk — nie pje, zajmajecca sportam, dapamahaje ludziam…
U jakaści dokazaŭ raskazčyk prykłaŭ sumiesnaje videa z Alaksandram, dzie toj zaklikaŭ usich dalnabojščykaŭ dapamahać adno adnamu. Raspaviadaŭ, jak zastavaŭsia bieź ježy, i małdavanie davali jamu kaŭbasu, a ŭkraincy — chleb. Kazaŭ, što i sam nie prachodzić mima čužoj biady.
Nakolki viadoma, adbyłosia ŭsio ŭ Niderłandach jašče ŭ sakaviku — razryŭ anieŭryzmy. Ratavali žyćcio Alaksandru ŭ Minsku. Kaštoŭny čas byŭ upuščany — apieracyju nieabchodna było rabić u pieršyja try dni. A dalnabojščyk tady čakaŭ, kali jaho zabiare źmienščyk, zamiest taho, kab źviarnucca pa miedycynskuju dapamohu.
Ciapier Ahapaŭ lečycca ŭ adnoj z balnic Bresta. Prahnozy daktaroŭ nie vielmi aptymistyčnyja — całkam adnavicca mužčyna chutčej za ŭsio nie zmoža.
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty
Dalnabojščyka z Družnaha, jaki pracavaŭ u Jeŭrasajuzie, asudzili pa palityčnaj spravie
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić
Dalnabojščyka ź Lidy, jaki viarnuŭsia ź Jeŭrasajuza, kinuli za kraty pa troch kryminalnych artykułach
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary