Uradženiec Rasii kazaŭ u Opiernym teatry: «Chłopcy, ale ž vy śpiavajecie na italjanskaj, niamieckaj, anhlijskaj… Ale čamu ž vy nie chočacie śpiavać na svajoj rodnaj biełaruskaj movie?»
Vydatny dziejač mastactva adyšoŭ z žyćcia 14 krasavika na 79‑m hodzie žyćcia, paviedamlaje Vialiki teatr Biełarusi.
Uładzimir Eknadzijosaŭ naradziŭsia ŭ v. Alaksiejeŭka Rastoŭskaj vobłaści Rasii 8 maja 1947 hoda.
Jak student Rastoŭskaha kultpraśvietvučylišča jon staŭ pieramožcam Usiesajuznaha ahladu mastackaj samadziejnaści jak salist-bałałaječnik i atrymaŭ prava vystupić na scenie Kramloŭskaha pałaca źjezdaŭ. Skončyŭ Uralskuju kansiervatoryju (1973), pracavaŭ u Śviardłoŭsku i Krasnajarsku, na scenach teatraŭ muzyčnaj kamiedyi.
Pierałomnym momantam u losie artysta staŭ 1977 hod: udzieł va Usiesajuznym konkursie vakalistaŭ imia Hlinki ŭ Taškiencie prynios jamu zvańnie łaŭreata. Mienavita tut, na konkursie, jaho pačuŭ dyryžor Biełaruskaha opiernaha teatra, narodny artyst SSSR Jarasłaŭ Voščak. Heta sustreča stała losavyznačalnaj.
U Biełaruski teatr opiery i baleta Uładzimir Eknadzijosaŭ byŭ zaprošany ŭ 1978 hodzie.
1978 pa 1995 hod Eknadzijosaŭ byŭ salistam Vialikaha teatra Biełarusi, a z 2002 hoda — jaho režysioram.
Pryjšoŭšy ŭ teatr, jon sutyknuŭsia z paradaksalnaj situacyjaj: mnohija artysty nie chacieli śpiavać na biełaruskaj movie. Jon ščyra nie razumieŭ hetaha: «Ja našym biełarusam kazaŭ: «Chłopcy, ale ž vy śpiavajecie na italjanskaj, niamieckaj, anhlijskaj… Ale čamu ž vy nie chočacie śpiavać na svajoj rodnaj biełaruskaj movie?».
Mienavita jon stvaryŭ šerah jarkich vobrazaŭ u opierach nacyjanalnaha repiertuaru: Raman («Sivaja lehienda» D. Smolskaha), Cichanaŭ i Kudraŭcaŭ («Ściežkaj žyćcia»), Vojšałk («Kniaź Navahradski»), Džardana Bruna, Majstar («Majstar i Marharyta» Ja. Hlebava), Dubatoŭk u «Dzikim palavańni» Sołtana, za ŭvasableńnie jakoj artyst byŭ udastojeny Dziaržaŭnaj premii.
Taksama jamu naležać Pjer Biazuchaŭ, Hierman, Ryčard, Rademies, Chase, Kavaradosi, Don Karłas, Hiercah, Alfred.
Kamientary
"U Biełaruski teatr opiery i baleta Uładzimir Eknadzijosaŭ byŭ zaprošany ŭ 1978 hodzie."
u hetym hodzie maje baćki atrymali klučy ad kvatery ŭ zvyčajnaj panelcy na ŭskrajku stolnaha hrada Mienska... susiedam doŭhija hady byŭ hety samy Eknadyjosaŭ... na adnym paviersie my žyli. ja (dzicio) bačyła jaho kaniečnie... ale ničoha skazać nie mahu... zdraśtie j zdraśtie...
"Pryjšoŭšy ŭ teatr, jon sutyknuŭsia z paradaksalnaj situacyjaj: mnohija artysty nie chacieli śpiavać na biełaruskaj movie. Jon ščyra nie razumieŭ hetaha: «Ja našym biełarusam kazaŭ: «Chłopcy, ale ž vy śpiavajecie na italjanskaj, niamieckaj, anhlijskaj… Ale čamu ž vy nie chočacie śpiavać na svajoj rodnaj biełaruskaj movie?»"
kali sapraŭdy tak, to cikava kaniečnie... voś tak žyŭ z čałaviekam pobač, i nie viedaŭ, za što nasamreč jon...
my žyli tady na vulicy imia biełaruskaha kampazitara, jaki napisaŭ pieršuju opieru na biełaruskaj movie pad nazvaj *****