Archieołahi vyznačyli dakładny ŭzrost niekropala, znojdzienaha ŭ Hrodnie padčas budoŭli
U centry Hrodna na vulicy Małoj Trajeckaj padčas budaŭnictva handlova-administracyjnaha budynka znajšli staražytnyja pareštki. Raboty na abjekcie prypynienyja, da daśledavańniaŭ prystupili archieołahi. Pa ŭnikalnych znachodkach ekśpierty vyznačyli ŭzrost niekropala — mohiłki datujucca siaredzinaj XVI stahodździa, piša sb.by.
Jak paviedamlaje teleradyjokampanija «Hrodna», vyznačalnymi artefaktami dla datavańnia stali try maniety: dźvie ź ich adčakanienyja ŭ 1550‑ch hadach, adna — u 1620-m.
Redkija znachodki dazvolili archieołaham nie tolki paćvierdzić svaje mierkavańni, ale i ŭdakładnić chranałohiju: pieršyja pachavańni źjavilisia paśla 1555 hoda. Raniej ličyli, što mohiłki mahli być bolš poźnimi, ale zaraz možna z upeŭnienaściu kazać, što niekropal pačaŭ funkcyjanavać u siaredzinie XVI stahodździa.
Darečy, dadatkovym paćviardžeńniem stali znojdzienyja piarścionki na žanočych pachavańniach — pa časie jany całkam supadajuć z manietnym materyjałam. Pavodle słoŭ archieołahaŭ, mohiłki isnavali adnosna niadoŭha.
Cikava, što taksama znajšli frahmient hałaŭnoha ŭboru, jaki zachavaŭsia na pachavańni junaka. Arhanika ŭ ahresiŭnaj ziamli amal nikoli nie zachoŭvajecca, ale tkanina prylipła da mietaličnych detalaŭ. Paśla rasčystki i kansiervacyi ekśpierty buduć staracca dakładna vyznačyć, što heta było — šapačka ci abruč dla vałasoŭ.
Ź dziŭnych znachodak taksama: škilet mužčyny, starejšaha za 55 hadoŭ, z padcisnutymi nahami i biez truny. Archieołahi vykazali zdahadku: pakolki hleba tut ćviordaja i hlinistaja, mahiłu mahli vykapać mienšaj za rost čałavieka. Vierahodna, jaho pachavali zimoj, kali kapać ziamlu asabliva ciažka. U pachavańni nie znajšli ni śladoŭ truny, ni ćvikoŭ, što byvaje vielmi redka navat dla samych starych pachavańniaŭ.
U centry Hrodna vypadkova adšukali ceły niekropal. Tam moh być chram, viadomy z XV stahodździa
Na Kalvaryi adšukali mahiłu adnaho z kiraŭnikoŭ pieršaj biełaruskaj partyi, jaki navat z ssyłki dasyłaŭ materyjały ŭ «Našu Nivu»
«Adbiarycie ŭ hetych nieadekvatnych piłu!» Jak deputaty «naviali paradak» na histaryčnych mohiłkach u Breście
Piać cikavych mohiłak Biełarusi dla naviedvańnia na Dziady
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary