Palitźniavolenaha prahramista asudzili na 4 hady kałonii za «ŭźviadzieńnie barykad» 10 žniŭnia na Puškinskaj
Sud Leninskaha rajona 10 lutaha asudziŭ na čatyry hady kałonii ŭzmocnienaha režymu palitźniavolenaha inžyniera-prahramista Ramana Kananoviča. Jaho abvinavacili va ŭźviadzieńni barykad z dapamohaj žaleznaj aharodžy ŭ noč z 10 na 11 žniŭnia kala st. m. «Puškinskaja», dzie tady zahinuŭ pratestoviec Alaksandr Tarajkoŭski. Asnoŭny dokaz viny Ramana — adna fatahrafija ź jaho telefona, paviedamlajuć pravaabaroncy.
Vinu palitviazień nie pryznaŭ, jon rastłumačyŭ na sudzie, što prybiraŭ aharodžu z darohi, kab vyzvalić prachod i prajści ŭ hości da ciotki. Uvieś sud nad prahramistam zaniaŭ tolki try hadziny. Sudździa Taćciana Šocik taksama vyniesła vyznačeńnie: paviedamić pra prysud i pakarańnie Kananoviča ŭ arhanizacyju, dzie jon pracavaŭ prahramistam da zatrymańnia, kab supracoŭniki hetaj firmy nie ŭdzielničali ŭ masavych biesparadkach.
Palitviazień całkam nie pryznaŭ vinu. Raman Kananovič na sudzie rastłumačyŭ, što dapamoh 10 žniŭnia nieznajomym ludziam pieraciahnuć aharodžu, sprabujučy jaje pierasunuć całkam na zialonuju zonu, kab vyzvalić prachod, kab bieśpieraškodna praciahnuć šlach.
«Pry mnie nichto, uklučajučy mianie, aharodžu na prajeznuju častku nie pieraciahnuŭ. Ja praciahnuŭ ruch da mietro «Puškinskaja» pa tratuary», — kaža Raman.
Pad vartaj Raman znachodzicca z 16 kastryčnika 2020 hoda.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty21
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1414
Kamientary