90% ekspartu Parka vysokich technałohij prypadaje na ZŠA i krainy ES
Park vysokich technałohij padvioŭ vyniki dziejnaści ŭ 2020 hodzie.
«U 2020 hodzie Park vysokich technałohij istotna pavialičyŭ ekspart — temp rostu skłaŭ 125%. U vyniku abjom ekspartu PVT dasiahnuŭ $2 młrd 735 młn», — adznačyŭ dyrektar PVT Usievaład Jančeŭski.
Asnoŭnymi spažyŭcami IT-praduktaŭ i pasłuh rezidentaŭ PVT źjaŭlajucca ZŠA i krainy ES — na ich dolu prypadaje kala 90% usiaho ekspartu. U pieršuju piaciorku krain-partnioraŭ uvachodziać ZŠA, Kipr, Vialikabrytanija, Hiermanija i Rasija.
Dola Parka ŭ VUP Biełarusi pa vynikach hoda pieravysiła 4%, pry tym što ŭ PVT pracuje kala 1,5% ad usich zaniatych u ekanomicy krainy.
U 2020 hodzie ŭ Park ustupili 236 novych rezidentaŭ, u sakaviku 2021-ha — jašče 65. Siońnia PVT abjadnoŭvaje 1021 kampaniju. Kolki kampanij pakinuli Park za minuły hod, u pres-relizie nie paviedamlajecca.
Ciapier čytajuć
Što Babaryka i Kaleśnikava adkazali na pytańni pra vajnu88
Kamientary