Biełarus sa «Što? Dzie? Kali?» nazvaŭ samaha niepryjemnaha čałavieka ŭ kłubie
Były hulec rasijskaj prahramy «Što? Dzie? Kali?», biełaruski žurnalist Andrej Supranovič nazvaŭ hulcoŭ, jakich ličyć vialikimi, a taksama vyznačyŭ samaha niepryjemnaha čałavieka ŭ teleprahramie. Pra heta jon raspavioŭ na YouTube-šou «Nastołki», piša lenta.ru.
Na jaho dumku, vialikimi možna nazvać tolki troch hulcoŭ «Što? Dzie? Kali?»: Maksima Patašova, Illu Novikava i Alaksandra Druzia, jakoha jon taksama nazvaŭ «žukom».
«Heta nie sakret ni dla kaho. Ja dumaju, kali raptam Alaksandr Abramavič ubačyć pieradaču, jon navat nie pakryŭdzicca na heta. Skaža: «Nu što, Andrucha narmalna skazaŭ», — zaŭvažyŭ Supranovič.
Jon ličyć «samym niepryjemnym čałaviekam u śviecie» Raŭšana Askierava. Žurnalist pryhadaŭ kanflikt z mahistram prajekta i hienieralnym pradziusieram «hulnia-TB» Andrejem Kazłovym. «Heta byŭ vialiki momant. Ale mnie zdajecca, heta była luboŭ, jak kali «miłyja łajucca — tolki ciešacca», — zaŭvažyŭ Supranovič, ukazaŭšy na toje, što ciapier Kazłoŭ i Askieraŭ u adnoj kamandzie.
U listapadzie 2016 hoda Kazłoŭ i Askieraŭ zładzili słoŭnuju duel padčas teletranślacyi hulni. Askieraŭ śćviardžaŭ, što bačyŭ, jak Kazłoŭ padkazvaŭ hulcam, u vyniku čaho ŭ jakaści adkazu na pytańnie była dadziena viersija, jakaja navat nie abmiarkoŭvałasia za stałom. U adkaz na zaŭvahu Kazłoŭ nazvaŭ Askierava niahodnikam.
Kamientary