Siłaviki zatrymali 26-hadovuju nastaŭnicu muzyki: pierarabiła słovy himna ŭ tvitary
28 krasavika Hanna Važnik źnikła prosta pasiarod dnia. Maci pačała šukać dačku — taja znajšłasia ŭ śledčych.
Hańnie 26 hadoŭ. Jana pracuje pa raźmierkavańni ŭ adnoj z muzyčnych škoł Minska: vykładaje kłasičnuju hitaru. Piša vieršy, časam udzielničała ŭ roznych muzyčna-paetyčnych imprezach.
«Prosta ŭ abied źnikła suviaź z Hannaj, — raskazvaje Natalla, maci dziaŭčyny. — Ja pačała jaje paŭsiul šukać. Pazvaniła joj na pracu — niama. Pazvaniła ŭ milicyju, kažu, źnikła dačka.
A paśla mnie patelefanavaŭ śledčy. Kaža: vaša dačka ŭ nas. Artykuł 370».
Artykuł 370 Kryminalnaha kodeksa — heta «Ździek ź dziaržaŭnych simvałaŭ». Pakarać mohuć hramadskimi pracami, abo štrafam, abo papraŭčymi rabotami na termin da dvuch hadoŭ, abo aryštam, abo abmiežavańniem voli na termin da adnaho hoda.
Pryčynaj zatrymańnia nastaŭnicy staŭ jaje post u tvitary. U im Hanna pierarabiła paru radkoŭ ź dziaržaŭnaha himna. Post davoli šyroka razyšoŭsia, siabry navat žartavali pra mahčymaje zatrymańnie i nastupstvy. Akazałasia, siońnia takija žarty — zusim nie žarty.
Tym časam minskaja milicyja ŭžo apublikavała videa, dzie chtości razmaŭlaje z Hannaj pra jaje ŭčynak.
«Nastaŭnica muzyki ŭžyła svaje navyki nie ŭ tym kirunku. Dziaŭčyna raźmiaściła ŭ internecie post, u jakim ździejśniła ździek z tekstu Dziaržaŭnaha himna, źmianiŭšy słovy.
Supracoŭniki Partyzanskaha RUUS h. Minska zatrymali 26-hadovuju minčanku. Dostup da zapisu akazaŭsia svabodnym, tamu publikacyju mahli hladzieć i raspaŭsiudžvać karystalniki internetu», — paviedamlaje minskaja milicyja.
-
U Puchavickim rajonie pažyłaja žančyna z vazkom pierachodziła čyhunačnyja puci i zahinuła
-
11-hadovy chłopčyk zvaliŭsia ŭ vohnišča ŭ Bierastavickim rajonie
-
«Dźvie vadarodnyja i try hieksahienavyja bomby, a nastaŭnikaŭ i vučniaŭ rasstralajuć». U Minsku padletak adpomściŭ dziaŭčynie za admovu sustrakacca
Delehatka KR Karpušonak paśla maŭčańnia apublikavała videa19
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary