Biełaruska, jakuju ličyli źnikłaj u Niepale, žyvaja. Jana ŭ izalatary ŭ Tajvani
«Jana nie ŭ Niepale — jana zatrymanaja na Tajvani, u žanočym izalatary h. Tajčžun», — paviedamiła ŭ sacsietkach jaje maci.
Učora źjaviłasia infarmacyja, što ŭ Niepale paśla katastrafičnaj pavodki ŭ rajonie raki Bchatekošy źnikła bieź viestak 24‑hadovaja hramadzianka Biełarusi Iryna Badziłoŭskaja (Iryna Badzilouskaya). Jaje imia značycca ŭ aficyjnych śpisach źnikłych turystaŭ, apublikavanych Departamientam turyzmu Niepała.
Adnak maci dziaŭčyny ŭ sacsietkach abviarhaje hetu infarmacyju.
«Iryna Badziłoŭskaja žyvaja. Jana nie ŭ Niepale — jana zatrymanaja na Tajvani, u žanočym izalatary h. Tajčžun. Konsulstva RB heta aficyjna paćvierdziła. Joj terminova patrebna niezaležnaja jurydyčnaja dapamoha. Kali chtości moža dapamahčy z advakatam ci viedaje ruskamoŭnych jurystaŭ na Tajvani — adhukniciesia, kali łaska», — napisała žančyna ŭ sacsietkach.
Jakim čynam danyja biełaruski trapili ŭ niepalskija śpisy, svajakam pakul nie viadoma. U słupku, dzie paznačany nazvy turystyčnych ahienctvaŭ, pasłuhami jakich karystalisia źnikłyja, staić adznaka PHQ CID DEPT. Heta značyć, što Iryna trapiła ŭ śpis pa zajavie Departamienta kryminalnych rasśledavańniaŭ palicyi Niepała, źviartaje ŭvahu «Anłajnier».
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary
u Iryny try šlachi — ..., ... ci ajci