Kiraŭnica Jeŭrakamisii Ursuła fon der Lajen prapanavała stvaryć dla Kanady novy farmat adnosina ź ES — asacyjavanaje členstva.
Vystupajučy ŭ Jeŭraparłamiencie sa štohadovym zvarotam, na jakim prysutničaŭ premjer-ministr Kanady Mark Karni, jana zajaviła pra nieabchodnaść «terminova pieraasensavać partniorskija adnosiny», piša Bild.
Pa słovach fon der Lajen, ES i Kanada pavinny bolš ciesna supracoŭničać u vytvorčaści, technałohijach, abaronie, enierhietycy, štučnym intelekcie i pastaŭkach krytyčna važnych resursaŭ. «My padzialajem adny i tyja ž kaštoŭnaści, u nas adzin pohlad na śviet», — padkreśliła kiraŭnik JEK.
Pry hetym havorka nie idzie pra paŭnavartasnaje ŭstupleńnie Kanady ŭ ES.
«Karni raniej kazaŭ, što Atava imkniecca da «ŭnikalnaha aljansu» ź Jeŭropaj, a nie da siabroŭstva ŭ Jeŭrasajuzie. Kankretnyja pravy i abaviazki novaha farmatu pakul nie vyznačanyja. Pieramovy płanujecca praciahnuć na samicie ES — Kanada ŭ Manreali ŭ kastryčniku.
Status Kanady jak novaha stratehičnaha supierpartniora taksama moža pasłužyć sihnałam prezidentu ZŠA Donaldu Trampu i jaho žorstkaj palitycy ŭ śfiery mytaŭ i ekanomiki.
Kanada — druhaja pa pamiery terytoryi kraina śvietu. Jana vałodaje vialikimi i jašče nie da kanca raźviedanymi zapasami karysnych vykapniaŭ. Raniej ekanamična i palityčna jana była ciesna źviazanaja z ZŠA, ale paśla cisku administracyi Trampa i zaklikaŭ apošniaha dałučyć Kanadu da ZŠA ŭziała kurs na zabieśpiačeńnie stratehičnaha bałansu, jaki b harantavaŭ niezaležnaść.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS4
Kamientary