«Vašy pašparty, bankaŭskija kartki, braniravańni — u našych rukach». Chakiery ŭzłamali sajt papularnaha turapieratara Tez Tour
Biełaruski sajt adnaho z najbujniejšych mižnarodnych turapierataraŭ Tez Tour uzłamany. Chakiery śćviardžajuć, što spampavali ŭsiu historyju vandrovak biełarusaŭ.
Ciapier, kali zachodziš na sajt teztour.by, bačyš čorny ekran i paviedamleńnie, što kampanija spyniła svajo isnavańnie z 15 vieraśnia.
Śćviardžajecca, što ŭsie sierviery skampramietavanyja. A chakiery z hrupoŭki DATASUCKERS spampavali i źniščyli:
- 45 398 685 zapisaŭ braniravańniaŭ
- 21 515 914 zakazaŭ turaŭ
- 52 176 283 braniravańni hatelaŭ
- 252 300 000 finansavych tranzakcyj
Ahułam stračana, jak śćviardžajuć chakiery, 395,5 miljona zapisaŭ.
Chakiery źviartajucca da klijentaŭ Tez Tour i da administrataraŭ kampanii:
«Pavažanyja klijenty! Vašy pašparty, zamiežnyja pašparty, danyja bankaŭskich kartak, telefony, adrasy i h. d. — znachodziacca ŭ našych rukach, a kampanija nie maje da ich dostupu. Usio było vydalena. Administratary kampanii, možacie nie chvalavacca — viarnuć danyja niemahčyma: usie vašy sierviery całkam zachoplenyja nami, dyski pierazapisanyja, kab vyklučyć mahčymaść adnaŭleńnia, a reziervovyja kopii — vydalenyja. Tolki kab trapić unutr i razabracca, vam spatrebicca niekalki dzion, uličvajučy vašu kryvarukaść, nie kažučy ŭžo pra adnaŭleńnie. Jak kažuć… TEZ TOUR — USIO. Kampanija zakrytaja. Klijenty iduć nach*j».
Adna z čytačak «Našaj Nivy» patelefanavała ŭ koł-centr Tez Tour u Biełarusi. Tam adkazali, što na sajcie adbyvajucca techničnyja pracy i što zaŭtra ŭsio budzie pracavać. Zaklikali nie chvalavacca pra ŭciečku dadzienych (jakoj, nibyta, niama) i paabiacali, što ŭ chutkim časie možna budzie znoŭ braniravać tury.
Sioleta heta nie pieršyja prablemy Tez Tour u Biełarusi. U krasaviku prakuratura Minska raspačała kryminalnuju spravu pa fakcie ŭchileńnia ad vypłaty padatkaŭ na sumu zvyš 700 tysiač rubloŭ «arhanizacyjaj, jakaja ažyćciaŭlaje turahienckuju dziejnaść». Jak stała viadoma «Lusterku», havorka moža iści pra znajomaha mnohim papularnaha turapieratara Tez Tour.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia6
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
Na praktycy staryja dadznyja niaredka pačynajuć masava čyścić tolki tady, kali ich zachoŭvańnie stanovicca zanadta darahim abo źjaŭlajucca žorstkija patrabavańni pa retention. Sam pa sabie fakt, što pašpart užo praterminavany, jašče nie aznačaje, što jaho skan niechta aŭtamatyčna budzie vydalać z bazy.