U Dokšyckim rajonie zahinuła 22‑hadovaja madel z Sankt-Pieciarburha
Žyćcio Eliny Michajłavaj trahična abarvałasia la vioski Kalnik u Dokšyckim rajonie, kali sustrečnaja mašyna ŭrezałasia ŭ «Kija», u jakoj jechała rasijanka.
Trahiedyja zdaryłasia ŭ apošni dzień leta. Elina jechała z paraj siabroŭ — Hannaj i Dzianisam (tyja płanavali pabracca šlubam praź miesiac) na lehkaviku «Kia». Za rulom byŭ jaje kachany — 22‑hadovy Rusłan Andrejeŭ. Dziaŭčyna siadzieła pobač z kiroŭcam.
U aficyjnych zvodkach DTZ apisana ścipła: kala 14:30 na 113‑m kiłamietry trasy «Minsk-Viciebsk» 51‑hadovy kiroŭca Ford Galaxy vyjechaŭ na sustrečnuju pałasu i sutyknuŭsia z tym samym Kia.
U vyniku łabavoha sutyknieńnia Elina akazałasia zabłakavanaja ŭ aŭtamabili razam z kiroŭcam. Dastavali ich ratavalniki.
Usich paciarpiełych u DTZ adpravili ŭ balnicy. U Rusłana šmatlikija traŭmy i pierałomy, paškodžanaja hałava. Hanna była ŭ ciažkim stanie — vialikaja strata kryvi, adkrytaja čerapna-mazhavaja traŭma hałavy, złamanyja rebry, mnostva pierałomaŭ taza i noh, dziaŭčynie vydalili sielazionku. Bolš za ŭsich pašancavała Dzianisu, jaki ŭ vyniku zmoh samastojna viarnucca ŭ Rasiju.
Elina ž zahinuła na miescy — jaje ŭžo pachavali ŭ Sankt-Pieciarburhu.
Jašče ŭ školnyja hady dziaŭčyna aktyŭna zajmałasia madelinham. U jaje ankiecie paznačana, što Elina skončyła mastackuju škołu, zajmałasia ŭ teatralnym kalektyvie, vučyłasia sučasnym tancam. Užo ŭ školnyja hady Elina Michajłava pracavała jak prafiesijnaja madel — udzielničała ŭ pakazach rasijskich i jeŭrapiejskich brendaŭ, zdymałasia ŭ rekłamie.
Jana ŭdzielničała ŭ pakazach sietkavych jeŭrapiejskich i rasijskich brendaŭ. U 2017 hodzie dziaŭčyna defilavała pa podyumie na Dziciačym tydni mody ŭ Krymie CrimeanFashion Kids Week.
Paśla škoły Michajłava pastupiła ŭ Rasijski dziaržaŭny piedahahičny ŭniviersitet.
Chto byŭ toj bajkier, jaki spravakavaŭ śmiarotnuju honku pa vulicach Bresta, u jakoj zahinuli troje — u tym liku i jon sam
Pad Tambovam na biełaruskaha dalnabojščyka lacieŭ pjany ŭ dym kiroŭca. Biełarus pasprabavaŭ zrabić jak lepš, ale nie pašancavała
Hościa sanatoryja «Biełaruś» pajechała katacca na mapiedzie pa načnym Sočy z pjanym šef-kucharam biez pravoŭ. I zahinuła
Pajechaŭ na adpačynak z žonkaj i dočkami, ale dadomu nie viarnuŭsia. U avaryi ŭ Hruzii zahinuŭ 38‑hadovy minčuk Siarhiej
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram20
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
A chto vinny ŭ DTZ?