Na svabodu vyjšli dva vysokapastaŭlenyja miedyki. Jany byli asudžanyja za karupcyju
Dniami z kałonii ŭ Viciebsku byŭ vyzvaleny Alaksandr Bialecki. Jon byŭ asudžany za karupcyju.
U lutym 2019 hoda akademika pryznali vinavatym i prysudzili da 7 hadoŭ i 6 miesiacaŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści, nahadvaje Tut.by.
Da lipienia 2018 hoda Alaksandr Bialecki ŭznačalvaŭ RNPC traŭmatałohii i artapiedyi. Na sudzie akademik nie admaŭlaŭ, što ŭ jakaści padarunka atrymaŭ 4 tysiačy jeŭra i 3 tysiačy dalaraŭ. Pry hetym jon nie ŭsprymaŭ hetyja hrošy jak chabar. A adnu z sum patraciŭ na kanhres u Barsiełonie, dzie ŭ skład biełaruskaj delehacyi ŭvachodziła 12 čałaviek.
Bialecki ŭ sudzie kazaŭ, što raskajvajecca ŭ zroblenym. Bujnyja ž sumy, jakija byli znojdzieny ŭ jaho doma i na ŭkładach, pa jaho słovach, jamu davali zamožnyja siabry, i heta nie było źviazana ź jaho prafiesijnaj dziejnaściu. Adzin z takich siabroŭ — biznesmien Alaksandr Šakucin.
Pakarańnie Bialecki adbyvaŭ u kałonii «Vićba», kudy časta adpraŭlajuć asudžanych za karupcyju čynoŭnikaŭ, sudździaŭ, siłavikoŭ i biznesoŭcaŭ.
U kastryčniku, pakul Alaksandr Bialecki znachodziŭsia ŭ SIZA, jaho ŭznaharodzili miedalom NAN. Jon vyras u siamji daktaroŭ i ŭsio žyćcio byŭ dziciačym artapiedam. Pravioŭ 4000 składanych vysokatechnałahičnych apieracyj.
Akramia hetaha, u jaho 92 patenty ŭ lačeńni dziaciej z patałohijami tazaściehnavych sustavaŭ, u 2010-m hodzie jon atrymaŭ zvańnie «Zasłužany dziejač navuki».
Mienavita jon raspracavaŭ novyja technałohii chirurhičnaha lačeńnia artapiedyčnaj patałohii tazaściohnavaha sustava ŭ dziaciej i padletkaŭ. Za heta jaho i ŭznaharodzili Dziaržpremijaj u halinie navuki i techniki. Jon kiravaŭ pracaj pa stvareńni biełaruskich impłantaŭ i mietałakanstrukcyj u traŭmatałohii i artapiedyi.
Na volu taksama vyjšaŭ Ihar Łasicki — były namieśnik achovy zdaroŭja
Infarmacyju pra heta Onliner paćvierdziŭ jaho syn. Čynoŭnik byŭ asudžany na 6 hadoŭ, adsiadzieŭ try.
-
Biełarus paśla śmierci žonki zastaŭsia adzin ź dziećmi. Ich u jaho 12, ale jon dobra daje rady
-
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy
-
Jašče kala 400 hiektaraŭ ziamli na Homielščynie bolš nie ličacca radyjeaktyŭnymi
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju80
Kamientary