Hukarežysiory Uładzisłaŭ Sakałoŭski i Kirył Hałanaŭ na aficyjnym kancercie ŭ Kijeŭskim skviery ŭ Minsku 6 žniŭnia 2020 hoda ŭklučyli dla ludziej pieśniu «Pieramien» Viktara Coja.
Heta sarvała avacyi tysiač biełarusaŭ, što pryjšli padtrymać Śviatłanu Cichanoŭskuju, choć heta i pryjšłosia rabić na «Dni adčynienych dźviarej ustanoŭ dadatkovaj adukacyi», a nie ŭ miežach aficyjnaha ahitacyjnaha mitynhu, jaki ŭłady ŭ apošni momant nie dali pravieści abjadnanamu štabu.
Za trek Coja chłopcy atrymali 10 sutak aryštu, a paśla byli vymušanyja źjechać z krainy. Ale dla biełarusaŭ jany stali i zastajucca simvałami pieramien.
U ich honar nieadnarazova źjaŭlalisia murały, a minski dvor na Smarhoŭskim trakcie — Čarviakova, dzie hrafici zamaloŭvali i adnaŭlali bolš za dziesiać razoŭ, atrymaŭ narodnuju nazvu «Płošča Pieramien».
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach25
Kamientary