Francyja pačynaje budaŭnictva novaha atamnaha avijanosca. Heta budzie najbujniejšy vajskovy karabiel Jeŭropy
Francyja pačynaje ambicyjny prajekt pa stvareńni atamnaha avijanosca novaha pakaleńnia. Hihancki karabiel zmoža nieści 30 źniščalnikaŭ i zabiaśpiečyć aŭtanomnuju pracu dla dvuch tysiač členaŭ ekipaža, staŭšy samym vialikim vajskovym sudnam, kali-niebudź pabudavanym u Jeŭropie.
Atamnaje sudna daŭžynioj 310 mietraŭ i šyrynioj 85 mietraŭ pavinna źmiaścić 30 bajavych samalotaŭ i 2000 čalcoŭ ekipaža. Budaŭnictva budzie kaštavać da 10 miljardaŭ jeŭra. Uvod karabla ŭ ekspłuatacyju zapłanavany na 2038 hod, paviedamiła ministarka abarony Katryn Vatren, piša BILD.
«U časy ahresaraŭ my pavinny być mocnymi, kab nas bajalisia. Ja vyrašyŭ uzbroić Francyju novym avijanoscam», — cytujuć francuzskija ŚMI prezidenta Emaniuela Makrona.
Na hety momant u Francyi jość tolki adzin atamny avijanosiec — «Šarl de Hol», pabudavany ŭ 2001 hodzie. Jon amal udvaja mienšy za novy karabiel.
Akramia Francyi, atamnyja avijanoscy majuć tolki ZŠA. Atamnaja ŭstanoŭka dazvalaje karablam znachodzicca ŭ mory hadami biez dazapraŭki, što robić ich sapraŭdnymi «płavučymi aeradromami», zdolnymi dziejničać u luboj miaścinie śvietu.
Kamientary