Premjernyja pakazy śpiektakla «Ładździa rospačy» projduć u RTBD z 27 da 30 śniežnia
Premjernyja pakazy śpiektakla «Ładździa rospačy», pryśviečanyja 95‑hodździu z dnia naradžeńnia Uładzimira Karatkieviča, projduć u Respublikanskim teatry biełaruskaj dramaturhii 27, 28 i 30 śniežnia, piša BIEŁTA.
Režysiorka Śviatłana Navumienka źviartajecca da adnaho z samych zahadkavych i fiłasofskich tvoraŭ aŭtara. Scena pieratvorycca ŭ mietafaryčnuju prastoru, dzie praz muzyku, płastyku i vizualnyja vobrazy daśledujecca ŭnutrany śviet čałavieka, jaki apynuŭsia na miažy pamiž byćciom i viečnaściu.
Sapraŭdnaj asnovaj i natchnieńniem śpiektakla stali słovy samoha Karatkieviča: «Ładździa rospačy» — pa-mojmu, najbolš udałaja sproba dać abahulnieny charaktar biełarusu, jakomu i čort nie brat, jakoha i śmierć nie pałochaje, jaki bolš za ŭsio lubić Radzimu, žyćcio i viesiałość i ni pry jakich abstavinach nie sastupić u baraćbie za ich».
«Premjernyja pakazy śpiektakla «Ładździa rospačy» — heta bolš, čym teatralnaja padzieja. Heta intelektualnaje, emacyjnaje i sensavaje padarožža, zaprašeńnie da supolnaha pošuku adkazaŭ na pytańni, jakija chvalujuć kožnaha. Prychodźcie, kab razam z RTBD zazirnuć u lustra čałaviečaha losu i, mahčyma, znajści tam ułasnyja adlustravańni, teatralnyja skarby i kaštoŭnyja asensavańni», — padkreślili ŭ teatry.
-
U Hrodnie vyrašajuć, jak adnavić Kałožu, kab jaje nie admovilisia ŭziać u śpis JUNIESKA
-
Takoha dziciačaha sadka vy jašče nie bačyli. Jaho sprajektavaŭ łaŭreat «architekturnaha Nobiela»
-
Stračvała prytomnaść ad hoładu, zarablała na žyćcio masažam — zachaplalnyja fakty ź bijahrafii Ałaizy Paškievič, jakoj siońnia 150 hadoŭ
Były ministr kultury Rusłan Čarniecki znajšoŭ sabie padpracoŭku9
Kamientary