Ciapierašni čas — samy niebiaśpiečny dla Jeŭropy z časoŭ zakančeńnia Druhoj suśvietnaj vajny. Pra heta zajaviŭ hienieralny sakratar NATA Mark Rute ŭ vialikim intervju Bild.
Voś niekalki hałoŭnych cytat z hetaj razmovy.
Pra mahčymaść napadu Rasii na krainy NATA
«My pavinny zrabić dźvie rečy. Pa-pieršaje, pavialičyć abaronnyja vydatki i naraścić vytvorčaść. A pa-druhoje, zabiaśpiečyć, kab Ukraina ŭ baraćbie zastavałasia jak maha bolš mocnaj. Tamu što, kali b Rasija atrymała kantrol nad usioj Ukrainaj, heta mieła b kałasalnyja nastupstvy dla NATA. Nam pryjšłosia b tracić značna bolš, čym toje, pra što my damovilisia ŭ Haazie».
Pra toje, čamu nie atrymlivajecca skončyć vajnu
«Pryčyna — Pucin. Jon hatovy achviaravać 1,1 miljona svaich ułasnych ludziej. I ŭ hetym hodzie jon damohsia tolki vielmi nievialikich pośpiechaŭ: minimalnych terytaryjalnych nabytkaŭ, mienš za 1% ukrainskaj terytoryi ŭ paraŭnańni z pačatkam hoda. I za heta, pavodle našych acenak, z rasijskaha boku byli zabityja abo paranienyja da 1,1 miljona čałaviek. Heta žachliva. Ale takaja realnaść, ź jakoj my majem spravu».
Pra harantyi biaśpieki Ukrainie
«My pavinny damahčysia taho, kab Ukraina paśla spynieńnia ahniu abo mirnaha pahadnieńnia bolš nikoli nie padviarhałasia napadu. Pucin pavinien zrazumieć, što paŭtorny napad byŭ by dla jaho razburalnym».
Pra mahčymuju adpraŭku zamiežnych vojskaŭ va Ukrainu
«Ja mahu skazać nastupnaje: niekatoryja jeŭrapiejskija krainy dali zrazumieć, što pry nieabchodnaści jany byli b hatovyja ŭdzielničać [u takoj misii] z vojskami. U ciapierašni čas prapracoŭvajecca, jak mienavita pavinna być uładkavana hetaja kaalicyja achvotnych».
Pra ŭdzieł Donalda Trampa ŭ pieramovach
«Tramp absalutna ŭciahnuty ŭ hetaje pytańnie. Jon zasiarodžany na tym, kab skončyć hetuju vajnu. Jon adziny, chto zmoh pasadzić Pucina za stoł pieramoŭ, i adziny, chto ŭ vyniku moža prymusić jaho zaklučyć mir. Za heta ja vykazvaju jamu vialikuju pavahu».
Pra Uładzimira Pucina
«Niekatoryja kažuć: «Kali nie Pucin, moža pryjści niechta jašče horšy». Ja mahu skazać tolki adno: što b ni adbyvałasia ŭ Rasii, my nie pavinny być naiŭnymi. My mirny, abarončy aljans. Ale my taksama bačym hłabalnuju źviazku pamiž Kitajem i Rasijaj. Kitaj hladzić na Tajvań. I ja pierakanany: kali Kitaj tam prymienić vajennuju siłu, jon padšturchnie svajho małodšaha partniora — Rasiju pad kiraŭnictvam Pucina — da taho, kab adciahnuć uvahu nas tut, u Jeŭropie. Tamu my pavinny być hatovyja».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1313
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata13
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary