20 śniežnia kiraŭnik Administracyi Dźmitryj Kruty pradstaviŭ kalektyvu Viarchoŭnaha Suda novaha kiraŭnika — Andreja Švieda. Švied raskazaŭ, što ŭ svajoj pracy i «dalej płanuje trymać kurs na spraviadlivaść».
Pastanova ab pryznačeńni Švieda była pryniataja adnahałosna na VII Usiebiełaruskim narodnym schodzie. Ale Švied padziakavaŭ vyklučna Łukašenku za akazany jamu davier.
Švied skazaŭ, što ŭ pracy i «dalej płanuje trymać kurs na spraviadlivaść».
— Prakurorski nahlad i sudovaja ŭłada ščylna źviazanyja pamiž saboj, bo vyrašajecca ahulnaja zadača, nakiravanaja na toje, kab naša pravasudździe było abjektyŭnym, biesstarońnim, zasnavanym na zakonie. Za dziesiacihodździ suvierenitetu stvorany surjozny bazis.
Naša pravasudździe, ja miarkuju, adnoje z najlepšych u śviecie — nie tolki pavodle ŭmoŭ pracy, ale i ŭ tych patrabavańniach, jakija vystaŭlajucca da pastanoŭ sudoŭ. Kožnaje rašeńnie pa kožnaj spravie pavinna być spraviadlivym. Heta samaje hałoŭnaje — toje, čaho ad nas patrabuje naš prezident, — skazaŭ Švied.
52‑hadovy Andrej Švied byŭ samym aktyŭnym i inicyjatyŭnym z łukašenkaŭskich siłavikoŭ, jon adzin z hałoŭnych architektaraŭ represij u krainie. Heta pad jaho kiraŭnictvam pracuje «kamisija pa viartańni» — pryčym jon usialak staviŭ pałki ŭ koły tym, chto chacia b namiakaŭ na patreby źmianšeńnia represij. Za im prakuratura stała hałoŭnym karnym orhanam. A sam Švied zachapiŭ Łukašenku idejaj «hienacydu biełaruskaha naroda».
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary
[Zredahavana]