Apadki buduć pieravažna ŭ vyhladzie śniehu.
Sinoptyk Dźmitryj Rabaŭ paviedamiŭ, što na Kalady i ŭvieś nastupny tydzień u Biełaruś pryjdzie sapraŭdnaja zima. Šeraje i tumannaje nadvorje źmienicca marazami, a apadki pačnuć vypadać u vyhladzie śniehu, farmujučy śniežnaje pokryva.
U paniadziełak i aŭtorak jašče budzie chmarna, projduć daždžy z mokrym śnieham, a tempieratura składzie ad -2°C da +4°C. Adnak užo ź sierady, 24 śniežnia, marazy ŭzmacniacca: unačy čakajecca da -7°C, a ŭdzień tempieratura ŭpadzie da -8°C u paŭnočnych rajonach.
Niepasredna na Kalady, 25 śniežnia apadkaŭ stanie mienš, ale nadvorje budzie pa-sapraŭdnamu zimovym.
Unačy sinoptyki prahnazujuć ad -5°C da -11°C, a ŭdzień — ad -2°C da -8°C. Mahčymy słaby tuman i hałalodzica na darohach.
U vychodnyja zachavajecca maroznaje nadvorje. Nočču słupki termomietraŭ buduć apuskacca da -10°C, a ŭ siaredzinie dnia ŭ subotu i niadzielu čakajecca ad -3°C da -6°C. Miescami projdzie karotkačasovy śnieh.
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary